11 Iyun 2019 01:15
1647
Mədəniyyət
A- A+

“Könüllü olaraq şəhid övladlarının yanındayıq”


"Relslər üzərinə uzanmış adam” xeyirxahları bir araya gətirmək missiyası daşıyır


Bakı Beynəlxalq Mətbuat Mərkəzində "Şəhid övladları və kimsəsiz uşaqlara yardım” İctimai Birliyinin təşkil etdiyi tədbir belə adlanırdı: "Könüllü olaraq şəhid övladlarının yanında olaq”. Tədbirin təşkilində məqsəd bu xeyirxahlıq missiyasının daha geniş auditoriyada ictimailəşdirilməsi, kimsəsiz, şəhid ailələrində böyüyən uşaqların sosial müdafiəsinin gücləndirilməsinə dəstək mahiyyəti daşıyırdı.

Çünki şəhid uşaqlarının sağlam böyümələri, təhsil və digər sahələrdəki mövcud problemlərinin həllində dövlətlə yanaşı, QHT-lərin, ayrı-ayrı iş adamları və xeyriyyəçilərin də fəallığının təmin edilməsi bu gün öz aktuallığı ilə seçilir.

"Şəhid övladları və kimsəsiz uşaqlara yardım” İctimai Birliyinin sədri, "Azərbaycan Bayrağı” ordenli Aprel şəhidi, pilot-mayor Təbriz Musazadənin həyat yoldaşı Pərişan Musazadə tədbirin məqsədini diqqətə çatdırdı: "Açığı, 3 ildən artıqdır ki, fəaliyyətdə olan "Şəhid övladları və kimsəsiz uşaqlara yardım” İctimai Birliyi könüllülərinin fədakarcasına reallaşdırdığı layihələr haqqında cəmiyyətə bugünədək heç bir məlumat-informasiya verilməyib. Lakin hiss olunur ki, bəzi məsələlər geniş ictimai auditoriyaya çıxarılmalıdır ki, mahiyyəti dərk edilsin və könüllülərimizin sayı artsın. Əlbəttə, şəhid ailələri dövlət və hökumətimiz tərəfindən diqqətdən kənarda saxlanmır. Əksinə, bu gün ölkəmizdə şəhid ailələrinə, o cümlədən övladlarına yaradılan şərait, göstərilən diqqət və qayğı çox böyükdür. Bu məsələ Heydər Əliyev Fondunun müntəzəm şəkildə reallaşdırdığı bir sıra layihələrdə də öz əksini tapıb. Azərbaycanın Birinci vitse-prezidenti Mehriban xanım Əliyevanın, eləcə də Heydər Əliyev Fondunun vitse-prezidenti Leyla Əliyevanın bu istiqamətdə yürütdükləri humanitar aksiyalar və sosial siyasət əhali, o cümlədən şəhid ailələri tərəfindən yüksək qiymətləndirilir. Kimsə diqqət və qayğıdan uzaq deyil. Lakin elə məsələlər var ki, onu dövlətdən tələb etmək, yaxud sadəcə ummaq yersizdir. Məsələn, çeşid-çeşid adlarla və müxtəlif məramlarla fəaliyyət göstərən sosial, humanitar siyasət təmayüllü QHT-ləri, iş adamlarını və ya xeyriyyəçilərimizi də bu vacib məsələyə cəlb etməyin zamanıdır. Burada söhbət maddiyyatdan daha çox mənəvi, psixoloji yardımdan gedir...”

Tədbirin təşkilatçısı qeyd etdi ki, bugünkü mətbuat konfransının keçirilməsində məqsəd "Qədim qala” nəşriyyat evi və əsərlərinin kütləvi, təkrar nəşrinə, eləcə də satışına görə gündəmdə olan yazıçı Rövşən Abdullaoğlunun "Relslər üzərinə uzanmış adam” kitabının növbəti tirajından əldə olunan gəlirin "Səhid övladları və kimsəsiz usaqlara yardım” İB-ə ianə etməsi ilə bağlıdır.

Şəhid ailəsinin başçısı Pərişan xanım Musazadənin məlumatından aydın oldu ki, İB-in təşkilatçılığı və dəstəyi ilə bir neçə şəhid ailəsinin xanımı işlə təmin olunub. 1992-1993-cü illərdə həyat yoldaşları şəhid olmuş xanımlar iş tapmaqda İB-ə müraciət ediblər. Birliyin bununla bağlı müraciətinə bir çox müəssisələrdən müsbət cavab verilib və şəhid ailələrinin xanımları işlə təmin ediliblər.

Xatırladaq ki, adıçəkilən birlik öz ətrafına xüsusilə vətənpərvər gəncləri cəlb edib. Onların arasında müəllim, hüquqşünas, həkim kimi olduqca vacib ixtisas sahibləri var ki, hər biri öz peşəsi ilə şəhid uşaqlarına könüllü şəkildə, təmənnasız yardım edir.

İctimai birliyin "Şəhid övladları” departamentinin sədr müavini Sevinc Mansurova, təşkilati işlər üzrə koordinatoru Şəfa Əmirova, təhsil və tədris işləri üzrə baş koordinator Rəhimə Nağıyeva kimi "şəhid övladları və kimsəsiz uşaqlara hər zaman təmənnasız yardım etməyə hazıram” deyib birliyə qoşulan könüllüləri var.

"Relslər üzərinə uzanmış adam” əsərinin müəllifi Rövşən Abdullaoğlu, "Qədim qala” nəşriyyat evinin direktoru Fərhad Abdullayev, fəlsəfə üzrə fəlsəfə doktoru Mail Yaqub, "Əsgər ailələrinə dəstək” İctimai Birliyinin sədri Mətanət Əsgərqızı, "Dünya, ana və uşaqlar” İB-in rəhbəri Dünyaxanım Əliyeva, şair-publisist Gilə Əliqızı, şəhid övladlarından İlkin Rüstəmli, Kamran Əhmədov və başqaları hər iki tərəfin xeyirxahlıq missiyasını alqışladılar və fəaliyyətlərində uğurlar dilədilər.

Məhəmməd NƏRİMANOĞLU,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video