10 Iyun 2019 17:49
702
DÜNYA
A- A+

Almaniyada müsəlmanlara qarşı təxribatlar səngimir


Almaniyada islamofobiya zəminində cinayətlər səngimir. Kassel şəhərində naməlum şəxslər mərkəzi məscidin binasını daşa basmış, Bremendə isə "Rəhman” məscidində saxlanılan Quranın 50-yə yaxın nüsxəsi məhv edilmişdir.

Kassel mərkəzi məscidinin yanında dini icmanın başçısı Seyfəddin Erörük bildirmişdir ki, hücum zamanı binada dindarlar olmamışdır. Məscidin pəncərələri sındırılmışdır. Erörük vandalların hərəkətlərini qətiyyətlə pisləmiş və polisi cinayətkarları tapmağa çağırmışdır.

Kassel şəhər prokurorluğu faktla əlaqədar cinayət işi qaldırmışdır.

Qeyd olunur ki, bu, əsasən türklərin ziyarət etdikləri Kasseldəki məscidə ilk hücum deyil. Əvvəllər PKK terrorçularının əlaltıları dəfələrlə məscidin yaxınlığında təxribat törətmişlər. Lakin onların heç biri məsuliyyətə cəlb edilməmişdir.

Başqa bir təxribat əsasən əfqanların və pakistanlıların ziyarət etdikləri Bremendəki "Rəhman” məscidində törədilmişdir. Naməlum şəxslər məscidin binasına daxil olaraq Quranın 50-yə yaxın nüsxəsini təhqir etmişlər.

"Xristian-Demokrat İttifaqı” partiyasından Bremen regional parlamentinin deputatı Oğuzxan Yazıçı diqqəti Almaniyanın bu hissəsində islamofobiya hallarının artmasına yönəltmişdir. O demişdir: "Ötən həftə Bremendə gənc müsəlman doğranmışdır. İndi isə məsciddə təxribat törədilmişdir. Müsəlman icması ciddi narahatlıq keçirir. Sinaqoqlar kimi, məscidlər də dövlətin mühafizəsi altında olmalıdır”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video