Alternative content

07:30 23 Avqust 2019
ONLINE XƏBƏR LENTİ
00:51 23.08.2019 Aqrar sığorta haqqında
00:31 23.08.2019 Manata etibar artır
00:29 23.08.2019 Ümidlər ölmür...
Azərbaycan turizm məkanıdır - FOTO
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

istanbul escorts istanbul escorts istanbul escorts istanbul escorts istanbul escorts istanbul escorts

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Qol yağışı
Qol yağışı
ANA SƏHİFƏ / İDMAN
04:20 30.05.2019


Mayın 29-da Azərbaycan daha bir əlamətdar idman hadisəsinin şahidi oldu. Paytaxtımız Avropanın nüfuzlu klub turnirlərindən UEFA Avropa Liqasının finalına evsahibliyi etdi. Həlledici qarşılaşmada İngiltərənin iki nəhəng komandası "Çelsi” və "Arsenal” komandaları üz-üzə gəldilər. Başqa sözlə, Bakıda London derbisi oynanıldı.

Qarşılaşmanın təhlilinə keçməzdən öncə vurğulayaq ki, paytaxtımızda əsl futbol bayramı yaşandı. Finalın təşkili Avropadan Bakıya gələn media təmsilçiləri, hər iki klubun azarkeşləri arasında böyük rəğbətlə qarşılandı, UEFA rəhbərliyinin qəlbində xoş hisslər oyatdı.

Müxtəlif ölkələrin media orqanları final matçının təşkilini və gedişini şərh edir, komandalar və rəhbərlərinin, futbol mütəxəssislərinin rəylərini öyrənirdi. Mütəxəssislərin ümumi fikri belədir ki, Bakının evsahibliyi etdiyi Avroliqanın finalı qitənin həyatında tarixi futbol hadisəsi olaraq ən yüksək səviyyədə təşkil edildi, komandaların ədalətli mübarizəsi üçün hər cür şərait yaradıldı, möhtəşəm qarşılaşmaya evsahibliyi edən Azərbaycan hər cür təqdirə layiqdir.

Qeyd edək ki, matçdan öncə "Çelsi” rəqibindən fərqli, gələn mövsüm UEFA Çempionlar Liqasına vəsiqə qazandığından, "Arsenal” üçün Avropa Liqasının qalibi olmaq ikiqat əhəmiyyət kəsb edirdi. Çünki Unay Emerinin yetirmələri daxili çempionatı 5-ci pillədə başa vurduqlarından yalnız bu yolla növbəti mövsüm qitənin bir nömrəli klub turnirində iştirak hüququ qazanacaqdı. Eyni zamanda "Arsenal”ın ispaniyalı baş məşqçisi Emeri həm də tarixə düşə bilərdi. Belə ki, "Sevilya” (İspaniya) ilə 3 dəfə Avropa Liqasının qalibi olan mütəxəssis Bakıdan eyni nailiyyətlə ayrılsaydı, turnirin dördqat qalibi olmaqla yeni rekorda imza atacaqdı.

Hər iki komanda oyuna itkilərlə çıxmışdı. "Çelsi”də Ruben Loftus-Çek, Kallum Hadson-Odoi, Antonio Rüdiger və Etan Ampadu, "Arsenal”da isə Aaron Remsi, Denis Suares, Ektor Bellerin və Rob Holdinq komandalarına kömək edə bilmədilər.

Görüşün italiyalı baş hakimi Canluka Rokkinin start fitindən sonra komandalar oyuna ehtiyatlı başladılar. İlk 20 dəqiqə hücuma qoşulmaqda çətinlik çəkdilər. Meydançanın mərkəzində tətbiq edilən təzyiq top saxlamaqda və oyun qurmaqda hər iki tərəfə ciddi maneələr törətdi. Bir sözlə, tərəflərin oyuna daha sürətli başlayan, topa sahib olaraq, qısa ötürmələrlə rəqibin cərimə meydançası içərisinə daxil olmaq istəkləri alınmadı. Çünki hər iki komanda kollektiv oyun nümayiş etdirərək meydanın hər yerində mübarizə apararaq bir-birilərinə boş zona buraxmırdılar.

Lakin 25-ci dəqiqədən sonra tərəflər tədricən bu oyun üslubundan imtina etməyə başladılar. 28-ci dəqiqədə "Arsenal”ın hücumçusu Aleksandr Lyakezettin komanda yoldaşı Obameyanqın ideal hava ötürməsini başla dəqiq tamamlamasına son anda müdafiəçi mane oldu. Hücumu davam etdirən Qranit Xakanın qüvvətli zərbəsindən sonra top qapının azacıq üstündən keçdi. 34-cü dəqiqədə "Çelsi”nin heyətində Emersonun yaxın məsafədən vurduğu zərbəni qapıçı Petr Çex çətinliklə də olsa dəf edə bildi. Bunun ardınca komanda növbəti dəfə hesabı açmağa yaxın oldu. Oliviye Jirunun zərbəsindən sonra yenə də çexiyalı qapıçı komandasını qoldan xilas etdi.

Fasilədən sonra isə Bakı Olimpiya Stadionu qol yağışına şahid oldu. Oyunda üstünlüyü ələ alan "Çelsi” 49-cu dəqiqədə Jirunun baş zərbəsi ilə vurduğu qolla hesabı açdı. Qoldan sonra hesabı bərabərləşdirmək üçün irəli atılan "Arsenal”ın müdafiə xəttində ciddi boşluqlar yarandı. Bundan istifadə edən "Çelsi” 60-cı dəqiqədə Pedronun vurduğu qolla hesab arasındakı fərqi 2 topa çatdırdı.

"Arsenal” buraxdığı qolların şokundan özünə gəlməmiş 64-cü dəqiqədə Jiruya qarşı cərimə meydançası içərisində edilən kobudluğa görə qapısına 11 metrlik cərimə zərbəsi təyin edildi. Zərbəni dəqiq yerinə yetirən Azar hesabı 3:0-a çatdırdı. Bundan sonra irəli atılan "Arsenal” 69-cu dəqiqədə İvobinin qolu sayəsində hesab arasındakı fərqi azaltdı. Qoldan cəmi 3 dəqiqə sonra Azar vurduğu qolla "Çelsi”nin matçdakı üstünlüyünü 3 topa çatdırdı. Bundan sonra tərəflərin səylərinə baxmayaraq, görüşdə başqa qol olmadı.

Beləliklə, London derbisində 4:1 hesabı ilə qələbə qazanan "Çelsi” UEFA Avropa Liqasının 2018-2019-cu il mövsümünün qalibi oldu.


Elçin CƏFƏROV,
"Azərbaycan”



NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU



VALYUTA


InvestAZ
ARXİV


TƏQVİM