Alternative content

16:39 25 Iyun 2019
ONLINE XƏBƏR LENTİ
Bakıda futbol festivalı
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

rus escort

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bakıda “Caspian Power” idman festivalının təntənəli açılış mərasimi olub
Bakıda “Caspian Power” idman festivalının təntənəli açılış mərasimi olub
ANA SƏHİFƏ / İDMAN
17:35 24.05.2019

Mayın 24-də Heydər Əliyev adına İdman Sarayında "Caspian Power” idman festivalının təntənəli açılış mərasimi olub.

AZƏRTAC xəbər verir ki, ulu öndər Heydər Əliyevin xatirəsinə həsr olunmuş festivalda əvvəlcə Azərbaycan Respublikasının dövlət himni səsləndirilib.

Mərasimdə çıxış edən Azərbaycan Milli Olimpiya Komitəsinin vitse-prezidenti Çingiz Hüseynzadə ölkəmizdə idmana göstərilən dövlət qayğısından danışıb, atletlərimizin beynəlxalq arenada yüksək nailiyyətlər qazandıqlarını bildirib. Ç.Hüseynzadə vurğulayıb ki, ölkəmizdə Olimpiya idman növləri ilə yanaşı, qeyri-Olimpiya idman növlərinin də inkişafına geniş imkanlar yaradılır. Bu gün təşkil olunan yarış bunun bariz nümunəsidir. Azərbaycan irimiqyaslı yarışlara yüksək səviyyədə ev sahibliyi edir. Festivalla eyni vaxtda paytaxtımızda aerobika gimnastikası üzrə Avropa çempionatı keçirilir. Bundan əlavə, iyulda Bakı Avropa Gənclər XV Yay Olimpiya Festivalına ev sahibliyi edəcək. Bütün bunlar ölkəmizdə həyata keçirilən uğurlu idman siyasətinin göstəricisidir.

Festivalın əhəmiyyətini yüksək qiymətləndirən Ç.Hüseynzadə iştirakçılara uğurlar arzulayıb.

Gənclər və İdman Nazirliyinin idman şöbəsinin müdiri Fərid Mansurov Azərbaycanın dünyada idman ölkəsi kimi tanındığını deyib. Bildirib ki, ölkəmiz yüksək təşkilatçılıq bacarığı ilə seçilir. Bakıda ilk Avropa Oyunları, IV İslam Həmrəyliyi Oyunları və Formula 1 yarışları yüksək səviyyədə təşkil olunub. Əsası ümummilli lider Heydər Əliyev tərəfindən qoyulan idman siyasəti hazırda dövlətimizin başçısı, Milli Olimpiya Komitəsinin prezidenti İlham Əliyev tərəfindən uğurla davam etdirilir.

Açılış mərasimində Milli Olimpiya Komitəsinin baş katibinin müavini Azər Əliyev, kikboksinq üzrə dəfələrlə dünya və Avropa çempionu Zabit Səmədov, Fövqəladə Hallar Nazirliyinin İdman-sağlamlıq klubunun rəisi Füzuli Musayev və idman ictimaiyyətinin nümayəndələri iştirak ediblər.

Stronqmen, bodibildinq, mas-restlinq, cui-citsu və sumo üzrə yarışların keçirildiyi festivalda 100-dək idmançı birincilik uğrunda mübarizə aparır.

"Caspian Power” idman festivalının keçirilməsində məqsəd bütün idman növləri üzrə yarışları bir idman turniri çərçivəsində keçirməklə idmanın kütləviliyini artırmaqdır. Festivala idman ləvazimatlarının və qidalarının istehsalı və satışı ilə məşğul olan şirkətlər də dəvət olunub. Belə ki, festival çərçivəsində onlar xüsusi stendlərdə öz məhsullarını nümayiş etdirirlər.


NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU


VALYUTA


ARXİV


TƏQVİM