24 May 2019 13:37
772
İDMAN
A- A+

Gürcüstan MOK-un prezidenti: Azərbaycan dünyanın ən təhlükəsiz ölkələrindən biridir


Azərbaycan bu gün təkcə Cənubi Qafqaz regionunda deyil, dünyada idman ölkəsi kimi tanınır. Bakı artıq beynəlxalq idman yarışlarının keçirildiyi məkana çevrilib.

Bu fikirləri AZƏRTAC-a müsahibəsində Gürcüstan Milli Olimpiya Komitəsinin (MOK) prezidenti, sərbəst güləş üzrə beşqat dünya çempionu, Olimpiya Oyunları çempionu Leri Xabelov söyləyib.

O deyib: "Azərbaycanda idmana dövlət səviyyəsində çox yüksək diqqət göstərilir. Bu da ölkədə idmanın inkişafında, normal cəmiyyətin və sağlam gəncliyin formalaşmasında mühüm rol oynayır. Mən çox şadam ki, dost və qardaş Azərbaycan bu gün idman ölkəsi kimi tanınır. İkiqat sevincim isə onunla bağlıdır ki, Bakı UEFA Avropa Liqasının final qarşılaşmasına ev sahibliyi edəcək”.

Gürcüstan MOK-un sədri son vaxtlar bəzi insanların Azərbaycanı tənqid etməsini pisləyib və bunun paxıllıq hissindən irəli gəldiyini söyləyib: "Bəzi qüvvələr zaman-zaman Azərbaycanın və Gürcüstanın əleyhinə qarayaxma kampaniyaları aparırlar. Onların bu cəhdləri hər zaman olduğu kimi, bu dəfə də boşa çıxdı. Azərbaycan dünyanın ən təhlükəsiz ölkələrindən biridir və biz idman ictimaiyyətinin nümayəndələri buna şahidik”.

L.Xabelov Avropa Gənclərinin Yay Olimpiya Festivalının iyul ayında Bakıda keçiriləcəyini də yüksək qiymətləndirib. Bildirib ki, Azərbaycanın dinamik inkişafı bu cür beynəlxalq idman yarışlarını yüksək səviyyədə təşkil etməyə imkan verir. "Biz azərbaycanlı dostlarımızın yüksək təşkilatçılıq bacarığını artıq görmüşük. Azərbaycan beynəlxalq səviyyəli, mötəbər idman yarışlarını yüksək səviyyədə keçirməklə bunu dəfələrlə sübut edib”, - deyə L.Xabelov əlavə edib.

MOK prezidenti UEFA Avropa Liqasının mayın 29-da Bakı Olimpiya Stadionunda keçiriləcək final oyununu Gürcüstandan olan azarkeşlərin də izləyəcəyini vurğulayıb.

Xatırladaq ki, finalda Londonun "Arsenal” və "Çelsi” komandaları qarşılaşacaq. Matç saat 23:00-da başlayacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video