22 May 2019 18:43
631
DÜNYA
A- A+

Səudiyyə Ərəbistanı aerodromuna PHA ilə hücum


Yəmənin "Ənsar Allah” (hövsilər) qiyamçı hərəkatının tərəfdarları Səudiyyə Ərəbistanının cənub-şərqində yerləşən Nəcran şəhərinin aerodromuna pilotsuz hava aparatları (PHA) ilə hücum etmişlər. Bu barədə "əl-Cəzirə” telekanalı xəbər verir.

"Ənsar Allah”ın nümayəndələri bildirmişlər ki, PHA-lar Səudiyyə Ərəbistanının döyüş təyyarələrinin yerləşdiyi anqarlara hücum etmişdir. Hövsilər aerodroma hücumun nəticələri barədə məlumat verməmişlər. Öz növbəsində Səudiyyə Ərəbistanı hakimiyyət orqanları Nəcrana havadan hücumu şərh etməmişdir.

Xatırladaq ki, Yəməndə hökumət qoşunları ilə qiyamçı hövsilər arasında qarşıdurma 2014-cü ilin avqustundan bəri davam edir. 2015-ci ilin martında Səudiyyə Ərəbistanının başçılıq etdiyi ərəb koalisiyası ölkədə vəziyyətə müdaxilə etdikdən sonra qarşıdurma aktiv mərhələyə keçmişdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video