22 May 2019 00:55
698
İQTİSADİYYAT
A- A+

Yeni əkin sahələri suya tələbatı artırıb


Balakən rayonunda aqrar sektorda işin artması, əkin dövriyyəsinə yeni torpaq sahələrinin cəlb olunması suvarma suyuna olan tələbata da təsir edib.

Balakən Suvarma Sistemləri İdarəsinin rəisi Ruslan Poladov deyir ki, balansımızda 6822 hektar suvarılan torpaq sahəsi var: "Sahələr əsasən kanallar hesabına suvarılır.

Onların ümumi uzunluğu 203,8 kilometrdir. 39,9 kilometr təsərrüfatlararası, qalanı təsərrüfatdaxili kanallardır. Kanallar mənbəyini əsasən dağ çaylarından - Katex, Balakən, Mazımdan götürür.

Müsahibimizin sözlərinə görə, ötən dövr ərzində suvarma kanallarında 443 min kubmetr təmizləmə işləri aparılıb. Mazım-Tuqay, Balakən-Tuqay suvarma kanalları, eləcə də Talalar, Katex, Püştətala, İtitala, Şambul və Meşəşambul kəndlərinin ərazilərindəki kanallar tam təmizlənib. Balakənçayda Mahamalar kəndinin sel sularından müdafiəsi üçün qurulmuş daş-beton bəndlərdə əsaslı təmir işləri görülüb.

Qanıx çayının yatağını rayon ərazisinə dəyişməsi prosesinin qarşısının alınması məqsədilə ümumilikdə 2445 paqonometr məsafədə sahilbərkitmə işlərinin görülməsi nəzərdə tutulub. Keçən il 330 paqonometr iş görülüb və həmin işlər cari ildə davam etdirilir.

Ümumiyyətlə, kanallar hər il lildən təmizlənir. Bununla paralel olaraq selə qarşı mübarizə tədbirləri görülür. Rayonun relyefi, dağlıq ərazidə yerləşməsi də təsirsiz qalmır. Çaylarda daşqın təhlükəsi hər zaman var. Kənd sakinlərinin şəxsi təsərrüfatları, pay torpaqları bundan zərər çəkir. Belə halların qarşısını almaq üçün davamlı tədbirlərin görülməsinə ehtiyac yaranır.

Onu da qeyd edək ki, Balakənin 1450 hektar suvarılan torpaq sahəsi Şəki Artezian və Subartezian Quyularının İstismarı İdarəsinin balansındadır. Həmin idarə rayonda 132 quyu istismar edir. Ondan 70-i artezian, 62-si subartezian quyularıdır. Yeni quyular da qazılır. Hazırda belə quyulara Qazma, Şambul, Qaysa, Püştətala, İtitala və digər kəndlərdə ehtiyac çoxdur.

Əkin sahələrinin çoxalması rayonda suvarmaya tələbatı daha da artırıb. Əvvəllər bir və ya iki dəfə suvarılan sahələrin indi 3-4 dəfə, quraqlıq olanda daha çox suvarılmasına ehtiyac yaranır. Həmin tələbatı ödəmək üçün Qabaqçöl kəndində İnterçay üzərində böyük suqəbuledici qurulub və bunun sayəsində 1300 hektar torpağa su veriləcək.

Əli SƏLİMOV,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video