22 May 2019 00:37
910
İQTİSADİYYAT
A- A+

Belə mebelləri almaq üçün növbəyə durub illərlə gözləyərdik


"Saloğlu” mebel fabriki istehsal sahəsini genişləndirir


İlin sonunadək Ağstafada istifadəyə veriləcək "Venzana” mebel fabrikində daha 2500 iş yeri açılacaq


Qeyri-neft sektorunun inkişafına göstərilən dövlət dəstəyi, diqqət və qayğı sayəsində bölgələrdə yeni-yeni sənaye, emal müəssisələri yaradılır, daimi iş yerlərinin sayı artır. Müasir avadanlıqlarla təchiz edilmiş belə müəssisələrin yaradılması təbii və iqtisadi resursların dövriyyəyə cəlb edilməsinə də müsbət təsir göstərir.

Son illər bu istiqamətdə Ağstafa rayonunda da bir çox layihələr həyata keçirilmişdir. Onlardan biri "Saloğlu” mebel istehsalı müəssisəsinin nəzdində yaradılmış "Modern” mebel fabrikidir. Prezident İlham Əliyevin iştirakı ilə istifadəyə verilən fabrikdə ağac lövhələrin və laminatların kəsilməsi, quraşdırılması, mebellər üçün metal hissələrin və mexanizmlərin yığılması, yumşaq mebellər üçün taxta-karkasların, dəri və parça üzlüklərin, döşəklərin, yataq və qonaq otaqları üçün mebel dəstlərinin istehsalı sexləri fəaliyyət göstərir. Sexlərin hamısı Almaniya və İtaliyanın aparıcı şirkətlərinin avadanlıqları ilə təchiz edilmişdir.

Müasir mebel istehsalçıları sırasında özünəməxsus yeri olan "Saloğlu” mebel fabriki qərb bölgəsində ən böyük mebel istehsalçılarından biri olmaqla bərabər, istehsal sahəsində yeni avadanlıqların və texnoloji xətlərin quraşdırılması sahəsində də seçilir. Bu istehsal sahəsinin yaradılması sayəsində fabrikdə 200 yeni iş yeri açılmışdır. Məhsulları Rusiya, Almaniya, Qazaxıstan və Gürcüstana da ixrac edilir. İxrac siyahısı bununla bitmir. Hazırda İraq, Pakistan və İtaliya şirkətləri ilə danışıqlar aparılır.

İstehsal sahələrini genişləndirmək hesabına 2500 yeni iş yeri açmaqdan ötrü müəssisənin yaxınlığında "Venzana” mebel fabrikinin təməli qoyulmuşdur. Layihə dəyəri 25 milyon manatdır. Məhsullarını daxili bazarla yanaşı, Almaniyaya, Belçikaya, Fransaya, Hollandiyaya, İtaliyaya, İspaniyaya və İsveçrəyə ixrac etmək nəzərdə tutulmuşdur. Burada ildə orta hesabla 31 min ədəd qonaq, yataq və yumşaq mebellər istehsal olunacaqdır. İşçilərin istirahəti, onların məişət şəraitinin yaxşılaşdırılması üçün burada körpələr evi-uşaq bağçasının, əyləncə və ticarət mərkəzlərinin inşası da planlaşdırılmışdır. Ərazidə mebel mərkəzi ilə yanaşı, "Yaşıl bazar” satış kompleksi və mehmanxana da tikiləcəkdir.

Müəssisənin sexlərində səliqə-sahman hökm sürür. Görülən işin keyfiyyətinə ciddi nəzarət edilir. Ustaların hamısı yüksəkixtisaslıdır. Onlar fabrikin tikildiyi müddətdə Almaniyada və Türkiyədə 6 aylıq kurs keçiblər. Bu peşəni sevərək öyrəndiklərindən indiyədək əllərindən zay məhsul çıxmayıb. Burada işçilərə gündə bir dəfə pulsuz yemək verilir və onları işə fabrikin avtobusu gətirib aparır.

Fabrikdə istehsal olunan bərk və yumşaq mebellərin materialları Rusiya, Türkiyə, Almaniya və İtaliyadan alınır. Bəzi hallarda yerli materiallardan da istifadə edilir. Alınan materiallar nəzarətdən keçirildikdən sonra qəbul edilir ki, bu da mebellərin hazırlanmasında çətinlik yaratmır.

Müəssisədə onu da öyrəndik ki, fabrikə mebel istehsalında böyük təcrübəyə malik avropalı ekspertlər dəvət olunur, onların istehsal edilən məhsullar haqqında rəyi öyrənilir və lazımi məsləhətlər alınır.

Odur ki, müəssisənin hazır məhsulları və satış salonlarındakı mebellər göz oxşayır. Onların keyfiyyətinə də söz ola bilməz. Hələlik bütün mebellər xarici dizaynerlərin təqdim etdikləri layihələrlə hazırlanır. Halbuki vaxt var idi ki, belə mebelləri almaq üçün növbəyə dayanıb illərlə gözləyər, alanda da çox baha qiymətə alardıq.

Sabir ƏLİYEV,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video