21 May 2019 00:50
830
İDMAN
A- A+

Bakı möhtəşəm finala hazırdır


UEFA Avropa Liqasının kuboku Gəncədə nümayiş etdirildi


Futbol üzrə əsas Avropa kuboklarından biri - Avroliqa kubokunun qalibi mayın 29-da Bakıda Olimpiya Stadionunda keçiriləcək final oyunundan sonra müəyyənləşəcək. 2018/2019-cu illər Avropa Liqasında 213 komanda mübarizəyə qoşulmuşdu. Final görüşündə İngiltərəni təmsil edən iki klub - "Çelsi” və "Arsenal” üz-üzə gələcək.

Turnirin həlledici matçı ölkəmizdə ilk dəfə keçiriləcək. Həmin arenada 2020-ci il Avropa çempionatının final mərhələsinin üç matçı da oynanılacaq.

Bir müddət əvvəl keçirilmiş püşkatma zamanı finalın nominal ev sahibi müəyyənləşdirilmişdir. Bu, "Çelsi” klubudur.

Gözlənildiyinə görə, 70 minə yaxın tamaşaçı tutumu olan Olimpiya Stadionunda azarkeşlərin sayına görə yeni rekord vurulacaq. Əvvəlki rekord 1999-cu ildə Moskvada qeydə alınmışdır. O vaxt "Parma” - "Latsio” oyununu 62 min tamaşaçı izləmişdir.

Bakı finalı həm də Avropa Liqası tarixində VAR sisteminin tətbiq olunacağı ilk matçdır. Həm də oyun əlavə vaxta keçsə, komandalar daha bir oyunçu dəyişikliyi edə biləcək.

Avropa Liqasının həlledici görüşünü Canluka Rokkinin başçılığı ilə italiyalı hakimlər briqadası idarə edəcək.

Futbolçular və qalib komandanın məşqçilər korpusu üçün 40 medal ayrılmışdır. Qalib həm də 2019-2020-ci illər UEFA Çempionlar Liqasının qrup mərhələsinə birbaşa vəsiqə qazanacaq. Yeri gəlmişkən, "Arsenal” və "Çelsi” indiyədək Avropa kubokları yarışında cəmi bir dəfə üz-üzə gəlmişdir. Çempionlar Liqasının 2003/2004-cü illər mövsümündə dörddə bir final oyununda "Çelsi” 3:2 hesabı ilə ümumi qələbə qazanmışdır.

Mayın 19-da UEFA Avropa Liqasının kuboku Gəncə şəhərinə gətirilmiş və Heydər Əliyev adına meydanda futbol azarkeşləri və ictimaiyyət qarşısında nümayiş etdirilmişdir. Tədbirin təşkilində məqsəd idmansevərləri Bakı Olimpiya Stadionunda keçiriləcək Avropa Liqasının final oyununda təqdim olunacaq kubokla tanış etməkdir.

Kubok ictimaiyyətə təqdim olunduqdan sonra konsert proqramı təşkil olunmuşdur. İncəsənət kollektivləri maraqlı ifaları ilə tamaşaçılar qarşısında çıxış etmişdir. Bundan əlavə, əyləncəli oyunlar, yarışmalar və viktorinalar təşkil olunmuşdur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video