16 May 2019 15:43
914
Mədəniyyət
A- A+

Polad Bülbüloğlu: Türkmənistanın Xalq artisti kimi yüksək ada görə fəxr edirəm


Dövlətlərarası Humanitar Əməkdaşlıq Fondunun (DHƏF) idarə heyətinin sədri Polad Bülbüloğlu MDB ölkələrinin Yaradıcı və Elmi Ziyalılarının XIV forumundakı çıxışında gənclər siyasəti və təhsil mövzusunu davam etdirib.

AZƏRTAC "Turkmenistan seqodnya” agentliyinə istinadla xəbər verir ki, forumda MDB-nin ali orqanları tərəfindən bu məsələlərə dair 35 sənəd: ali təhsil haqqında diplomların tanınması barədə, pedaqoji işçilərin ixtisasının artırılması haqqında, MDB ölkələrinin əmək bazarlarında tələbat nəzərə alınmaqla mütəxəssislərin ixtisas səviyyəsinin artırılması və yenidənhazırlanması üçün 17 ali məktəbə MDB dövlətlərinin baza təşkilatları statusu verilməsi haqqında və sair sazişlər qəbul edilib.

Polad Bülbüloğlu mədəni əməkdaşlıq sahəsini xüsusi qeyd edərək, bu istiqamətdə ən mühüm layihə və tədbirləri, beynəlxalq və milli aksiyaları göstərib: musiqi, teatr və kino festivalları, birgə sərgilər, müsabiqələr, rəssamlar üçün emalatxanalar, seminarlar, konfranslar və s.

DHƏF rəhbərinin sözlərinə görə, 2007-2018-ci illərdə bu fond 735 çoxtərəfli layihənin həyata keçirilməsinə kömək edib, həmin layihələrdə MDB üzvü olan bütün ölkələrdən, habelə Baltikyanı dövlətlərdən və Gürcüstandan 500 mindən çox adam iştirak edib. 2019-cu il üçün 84 layihə planlaşdırılıb.

Polad Bülbüloğlu DHƏF-in bütün komandasına, bütün əvvəlki və gələcək layihələrin iştirakçılarına, hazırkı forumun təşkilatçılarına və ölkələrimiz üçün dinc humanitar məkan yaradılmasına öz gücünü, biliklərini və bacarıqlarını sərf edən hər kəsə təşəkkürünü bildirib.

Fondun sədri çıxışının sonunda Azərbaycan nümayəndəsi kimi qeyd edib ki, türkmən və Azərbaycan xalqlarını ortaq köklər bağlayır. 2017-ci ildə Türkmənistanın Xalq artisti kimi yüksək ada layiq görülmüş qonaq vurğulayıb ki, biz qədim oğuzların vahid ailəsinə mənsubuq və müxtəlif dialektlərdə olsa da, eyni dildə danışırıq. Türkmən və Azərbaycan xalqları arasında dil yaxınlığı və mədəniyyətlərimizin yaxınlığından əlavə, mental yaxınlıq da var və bu, bizim bir-birimizi sözsüz belə anlamağımıza imkan verir. Məhz bu səbəbdən, bir-birimizin musiqi və poetik irsimizə maraq bu dərəcədə yüksəkdir.

Polad Bülbüloğlu fürsətdən istifadə edərək, ona göstərilmiş etimada görə forumun tribunasından Türkmənistan Prezidenti Qurbanqulu Berdiməhəmmədova, habelə bütün türkmən xalqına dərin minnətdarlığını bildirib. DHƏF rəhbəri deyib: "Sizin etimadınızı doğrultmağa çalışacağam və bu yüksək adı ömrümün axırına qədər qürurla daşıyacağam”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video