Yeni məktəb binası şagirdlərin ixtiyarına verildi
Gəncədə ümumtəhsil məktəblərinin yenidən qurulması davam edir. Təhsil müəssisələrinin bir qismi yenidən tikilməklə yanaşı, bəziləri də əsaslı şəkildə təmir edilmişdir. Onların bir qismi dövlət vəsaiti hesabına, bəziləri isə Heydər Əliyev Fondunun maliyyə dəstəyi ilə müasirləşdirilmişdir.
Bu günlərdə yenidən qurulan məktəblərin siyahısına 7 nömrəli orta məktəb də əlavə edilmişdir. Ümummilli lider Heydər Əliyevin 96-cı ildönümü gününə təsadüf edən məktəbin açılışında böyük sevinc yaşanmışdır.
Açılış mərasimində çıxış edən Gəncə Şəhər İcra Hakimiyyətinin başçısı Niyazi Bayramov deyib ki, ulu öndərin ad günü ərəfəsində istifadəyə verilən bu məktəb Gəncənin təhsil sistemində aparılan yenidənqurma işlərinin davamıdır.
Mərasimdə o da vurğulanmışdır ki, Gəncə təhsil sisteminin yenilənməsini daim diqqət mərkəzində saxlayan və onun inkişafına dəstək olan birinci xanım, Heydər Əliyev Fondunun prezidenti Mehriban Əliyeva son illər qədim Nizami yurdunun məktəblilərinə böyük qayğı göstərərək, bu sahədə bir çox layihələrin icrasını reallaşdırmışdır. Onun göstərdiyi qayğı nəticəsində bir neçə məktəb tikilmiş, onlarca məktəb əsaslı şəkildə təmir edilmişdir.
Məktəbin direktoru Sevda Sadıqova demişdir ki, məktəbdə 975 şagird təhsil alır və burada Azərbaycan və rus bölmələri fəaliyyət göstərir. Təhsil ocağında təlim-tərbiyənin yüksək səviyyədə qurulmasının nəticəsidir ki, ali məktəblərə qəbul olunan məzunların sayı ildən-ilə artır. Təkcə keçən il məktəb məzunlarından 3 nəfəri 600-dən yuxarı, 5 nəfəri 500-dən çox bal toplayaraq müxtəlif universitetlərə daxil olmuşdur.
İştirakçılar məktəbdə yaradılan şəraitlə tanış olmuşlar. Əsaslı təmirdən sonra məktəbdə 50 sinif otağı, kitabxana, tibb ocağı, idman zalı, laboratoriyalar, kompüter otağı və sair yaradılmışdır ki, bu da tədrisin yüksək səviyyədə aparılmasına imkan verəcəkdir.
Sabir ƏLİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan və Qırğızıstan prezidentləri Füzuli şəhərinin dağıdılmış yerlərinə baxıb, şəhərin Baş pla...
25 Aprel
Nazir: Azərbaycanla enerji sahəsində əməkdaşlıq Macarıstanın enerji təhlükəsizliyini artırır ...
25 Aprel
Nazir: Azərbaycanla Macarıstan arasında ticarət dövriyyəsi 40 faiz artıb
25 Aprel
Əmək və əhalinin sosial müdafiəsi naziri Macarıstanın xarici işlər və beynəlxalq ticarət naziri ilə ...
25 Aprel
Məhkəmə-Hüquq Şurasının sədri: Yerli məhkəmələr arbitraj institutunun uğurlu olması üçün lazımi dəst...
25 Aprel
Rektor: COP29-un bu il Azərbaycanda keçirilməsi aparılmış məqsədyönlü dövlət siyasətinin bariz nümun...
25 Aprel
İnam Kərimov: Azərbaycanda məhkəmə-hüquq islahatları hər zaman dövlətin diqqət mərkəzində olub ...
25 Aprel
Vətəndaşlara Şuşa, Suqovuşan və Laçına fərdi avtomobilləri ilə səfər etmələrinə icazə veriləcək ...
25 Aprel
Vəkillər Kollegiyasının sədri: Bu gün ölkəmizdə vəkillərin sayı 2454 nəfərə çatıb ...
25 Aprel
Mətbuat xidmətlərinin rəhbərləri üçün “Böhran kommunikasiyası” mövzusunda təlim təşkil olunub ...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!