10 May 2019 17:22
640
DÜNYA
A- A+

“Sarı jiletlər” Fransa turizminə ziyan vurur


"Sarı jiletlər” hərəkatı iştirakçılarının kütləvi etirazları Fransada turizm sənayesinə mənfi təsir göstərmişdir. Bu barədə Fransa Milli Statistika və İqtisadi Tədqiqatlar İnstitutu (İNSEE) məlumat vermişdir.

Əcnəbi turistlər "sarı jiletlər”in etiraz aksiyaları ucbatından Fransaya, xüsusilə Parisə səfər etmirlər. Cari ilin ilk üç ayında ötən ilin müvafiq dövrü ilə müqayisədə turistlərin sayı 2,5 faiz azalmışdır. Həmin müddətdə ötən illə müqayisədə Fransa hotellərində rezervasiyaların sayı 1,3 faiz aşağı düşmüşdür. Parisin də daxil olduğu İl-de-Frans regionunda hotellərdə rezervasiyaların sayı daha çox – 4,6 faiz azalmışdır.

Fransanın iqtisadiyyat naziri Bruno Le Mer fevral ayında bildirirdi ki, "sarı jiletlər”in aksiyaları ölkə iqtisadiyyatına xeyli mənfi təsir göstərir. Onun dediyinə görə, ötən ilin dördüncü rübündə və cari ilin birinci rübündə ölkədə iqtisadi artım 0,2 faizədək azalmışdır.

Yanacağın qiymətinin artmasına etiraz edən "sarı jiletlər”in aksiyaları ötən il noyabrın 17-də başlamışdır. Kütləvi etirazlar nümayişçilərin polislə toqquşması, talanlar, maşınlara od vurulması, mağaza və banklara dəyən ziyanla müşayiət olunur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video