Alternative content

18:16 18 Avqust 2019
ONLINE XƏBƏR LENTİ
00:40 18.08.2019 İsgəndəriyyə mayakı
00:38 18.08.2019 Milli ruhlu yazıçı
00:26 18.08.2019 Unutmaq mərəzi...
00:25 18.08.2019 Güclü immunitetin sirri
"BAKI-2019" TARİXƏ QOVUŞAN ANLAR
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

rus escort

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Krımdan Berlinədək...
Krımdan Berlinədək...
ANA SƏHİFƏ / Mədəniyyət
02:22 08.05.2019


Qurban kişinin 102 yaşı var. İkinci Dünya müharibəsi başlayanda özü demişkən, bığ yeri təzəcə tərləyirdi. O qədər arzuları, istəkləri vardı ki... Müharibə hamısını yarımçıq qoydu.

Döyüş yolu Krımdan başladı. Sonra görmədiyi, adını kitablardan oxuduğu şəhərlərdə olub, ən çətin döyüşlərdə iştirak etdi.

Müharibə veteranı dedi ki, atası Seyid kişi onu müharibəyə yola salanda bir qədər kövrəlsə də, xeyir-duasını unutmadı: "Get, özündən muğayat ol, amma düşmənə macal vermə ki, bu tərəflərə göz diksin. Mütləq bizi xatırlayarsan - ananı, bacılarını, qohum-əqrəbalarını, bu kəndi-kəsəyi...”

Qurban Ziyadov Qəbələ rayonunun dağ kəndində - Qəmərvanda doğulub. Kənd-kəsək işlərində atasına yardımçı olub, ən ağır işlərin qulpundan yapışıb. İndi 19 nəvənin, 4 nəticənin, 3 kötükcənin babası, 4 övlad atasıdır. Elin-obanın sayılıb-seçilən ağsaqqallarındandır. Yaşı çox olsa da, öyüd-nəsihəti tükənməyib. Onun xeyir-duası ilə o qədər ailə ərsəyə gəlib ki... Deyir bəzən 2-3 gün dağlarda, meşələrdə ac qalırdıq. Amma geriyə dönmək, torpağı düşmənə təslim etmək barədə düşünmürdük. Stalinqradda ağır döyüşlər gedəndə mənə Marşal Jukovla görüşmək qismət oldu. Bizə dəyərli məsləhətlər verdi. Vaxtın-vədənin qədrini bilək deyə komandirimizə öz qol saatını hədiyyə etdi. Müharibədə çox şeylərin şahidi olduq - itkilərin, əzabların, ağır döyüşlərin. Gərək dözüm göstərməyi bacarasan. Nəvələrimə o ağır günlərdən saysız-hesabsız xatirələr danışmışam.

Qurban kişi övladlarından söhbət açanda da qürur hissi keçirir, fərəhlənir. Deyir ki, bu gün məni yaşadan, gümrah saxlayan övladlarımın xoş xəbəri, layiqli əməlləridir. Çoxunun ali təhsili var, hərəsi bir sahədə çalışır.

Qurban dayı yaşının bu çağında da qıvraq görünür. Həyətyanı sahəsində gücü çatan işin qulpundan yapışır. Deyir ki, bu ağacların çoxunu müharibədən qayıdandan sonra əkmişəm. Hər il barından övladlarım sovqat aparırlar.

Müharibə veteranı dolanışığından, güzəranından da razılıq etdi. Dedi ki, dövlət bizi unutmur. Heç nəyin sıxıntısını keçirmirik. Müharibə veteranlarına qayğı-kömək ildən-ilə artır. Bizim sosial şəraitimizi yaxşılaşdırmaq üçün dövlət heç nəyi əsirgəmir. İndi Azərbaycanın ən ucqar kəndlərində də qaz, su, yol problemi həll olunur. Prezident dəfələrlə Qəbələ rayonunda da sadə adamlarla, müharibə veteranları ilə görüşüb. Bizim ən zəruri ehtiyaclarımızı, problemlərimizi yerindəcə öyrənib, həlli üçün tapşırıqlar verib. Dövlət başçısının tapşırığı ilə müxtəlif nazirliklərin rəhbərləri də görüşlərə gəlir. Son illər belə görüşlər Qəbələdə də keçirilir. Bütün bunların səmərəsi hər birimizdə fərəh, qürur hissi yaradır.

Qurban kişi Prezidentin son aylarda imzaladığı sərəncamlarından da söz açaraq dedi ki, hər şey xalqın xeyrinə hesablanıb. Təqaüdlər, sosial yardımlar dəfələrlə artırılıb. Onun da ən böyük arzusu torpaqlarımızın işğaldan xilas olmasını görməkdir. 9 may Qələbə Günü münasibətilə yaşıdlarını təbrik edib, xalqımıza firavanlıq, dövlətimizə güc, qüdrət arzuladı...

Bəşir ŞƏRİFLİ,

"Azərbaycan”



NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU



VALYUTA


InvestAZ
ARXİV


TƏQVİM