05 May 2019 00:33
710
İDMAN
A- A+

Avropa Gənclər Olimpiya Festivalının komanda növlərində bütün qruplar məlumdur


Avropa Gənclər Olimpiya Festivalının komanda növlərində qruplar müəyyənləşib. Bakı-2019-da 3 növ üzrə yarış keçiriləcək. Bunlar voleybol, basketbol və həndboldur.

Adları ilk 2 çəkilən növlərdə qrupların tərkibi ölkələrin müvafiq yaş qrupları üzrə yarışlarda göstərilən nəticələr əsasında əldə olunan reytinqlə müəyyən olunub. Buna görə, püşkatma yalnız həndbolda keçirilib.

Rəqabət ümumilikdə 8 komanda arasında keçiriləcək. Oğlan voleybolçuların yarışlarında "A” qrupunda Azərbaycan millisi ilə bərabər, Almaniya, Rusiya, Belarus mübarizə aparacaq. "B” qrupunda Çex Respublikası, İtaliya, Bolqarıstan və Belçika yer alıblar. Qızlarda "A” qrupunda Rusiya, Bolqarıstan, Rumıniya və Azərbaycan, "B” qrupunda isə İtaliya, Türkiyə, Belarus və Almaniya yığmaları var.

Basketbolçu oğlanlarda "A”-da Xorvatiya, Fransa, Serbiya və Azərbaycan , "B”-də İspaniya, Türkiyə, Yunanıstan və Litva milliləri üz-üzə gələcəklər. Qızlarda "A” qrupunda İtaliya, Fransa, Rusiya və Belçika, "B” qrupunda Çex Respublikası, Türkiyə, Macarıstan və Polşa yığmaları yer alıblar.

Püşkatmanın nəticələrinə əsasən, oğlan həndbolçularda Azərbaycan millisi "A” qrupunda Danimarka, Almaniya, Serbiya ilə qələbə uğrunda çıxış edəcək. "B”-də mübarizə İslandiya, Xorvatiya, Fransa və Sloveniya komandaları arasında olacaq. Qızlarda "A”-da Fransa, Rumıniya, Niderland və İspaniya, "B” qrupunda isə Macarıstan, İsveçrə, Çex Respublikası və Azərbaycan milliləri qarşılaşacaqlar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video