02 May 2019 00:30
822
Mədəniyyət
A- A+

“Azərbaycanda xristianlıq: keçmişdən bu günə” adlı kitab ingilis dilində nəşr edilib


Azərbaycan Respublikası Prezidenti Administrasiyasının millətlərarası münasibətlər, multikulturalizm və dini məsələlər şöbəsinin aparıcı məsləhətçisi Anar Əlizadənin "Azərbaycanda xristianlıq: keçmişdən bu günə” adlı kitabı ingilis dilində işıq üzü görüb.

AZƏRTAC xəbər verir ki, kitabın ön sözünün müəllifləri Azərbaycan Respublikası Prezidenti Administrasiyasının millətlərarası münasibətlər, multikulturalizm və dini məsələlər şöbəsinin müdiri, professor Etibar Nəcəfov və Dini Qurumlarla İş üzrə Dövlət Komitəsinin sədri Mübariz Qurbanlıdır.

Dini Qurumlarla İş üzrə Dövlət Komitəsinin tabeliyindəki Mənəvi Dəyərlərin Təbliği Fondu tərəfindən çap olunan kitabda xristianlığın və əsas xristian qollarının tarixi, inanc əsasları, ibadət şəkilləri barədə məlumat verilir. Bununla yanaşı, Azərbaycanda mövcud olan xristian konfessiyaların, dini cərəyan və icmaların etiqadı prinsipləri, onların ölkəmizdəki tarixi, sayı, etnik və yaş tərkibi, humanitar fəaliyyəti və mətbu orqanları haqqında ətraflı məlumat oxucuların diqqətinə çatdırılır. Müəllif ölkəmizdəki xristianlığın rəngarəng və çoxçalarlı tablosunu təsvir etməklə Azərbaycandakı multikultural mənzərəni canlandırır.

Kitabın mühüm əhəmiyyət kəsb edən fəsillərindən biri Alban Apostol Avtokefal Kilsəsi ilə bağlı olan hissədir. Bu fəsildə ermənilərin Qafqaz Albaniyası ilə bağlı əsassız iddialarına tutarlı cavab verilərək erməni yalanları ifşa olunur. Sözügedən tədqiqat əsərində ölkəmizin maddi-mədəni irsi olan Alban kilsələrinin bərpası, mühafizəsi, habelə Alban Həvari Kilsəsinin qədim dini ənənələrinin dirçəldilməsi istiqamətində Azərbaycan dövlətinin həyata keçirdiyi mühüm tədbirlər barədə geniş məlumat verilməklə yanaşı, tarixi mənbələr əsasında xristian Alban məbədlərinin Azərbaycan xalqına məxsus olduğu sübuta yetirilir.

Kitab xristianlığın tədqiqatı ilə məşğul olan tarixçilər, dinşünaslar, bu mövzuya maraq göstərən KİV nümayəndələri, eləcə də geniş oxucu kütləsi üçün nəzərdə tutulub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video