Formula 1 SOCAR Azərbaycan Qran-Prisinin tamaşaçılarını yarış həftəsonu nələr gözləyir?
Bu həftəsonu keçiriləcək Formula 1 SOCAR Azərbaycan Qran-Prisi çərçivəsində dənizkənarı bulvar ərazisində yerləşən əyləncə zonasında biletli tamaşaçılara bir-birindən maraqlı əyləncə tədbirləri təqdim olunacaq.
AZƏRTACxəbər verir ki, aprelin 25-dən əyləncə zonasının qapıları tamaşaçıların üzünə açıqdır və proqram saat 21:00-dək davam edəcək. Həftənin digər günlərində isə bu zona saat 10:00-dan 19:00-dək fəaliyyət göstərəcək.
Formula 1 yarış proqramı
Sərbəst yürüşlərə aprelin 26-da start veriləcək. Birinci sərbəst yürüş saat 13:00-dan 14:30-dək, ikinci sərbəst yürüş 17:00-dan 18:30-dək, üçüncü sərbəst yürüş isə aprelin 27-də saat 14:00-dan 15:00-dək davam edəcək. Sıralanma turu aprelin 27-də saat 17:00-dən 18:00-dək keçiriləcək. Yarışa isə bazar günü – aprelin 28-də saat 16:10-da start veriləcək.
Formula 2 yarışları
Formula 1 təqvimində yer alan ölkələrin əksəriyyətində bu çempionatla paralel olaraq Formula 2 üzrə iki yarış keçirilir. Bakıda birinci yarış aprelin 27-də saat 12:00-dan 13:05-dək davam edəcək. İkinci yarış isə aprelin 28-də saat 13:10-da başlayacaq və 14:00-da başa çatacaq.
Axşam konsertləri
Hər il olduğu kimi bu il də Azərbaycan Qran-Prisinin yarış həftəsonunun axşam saatlarında dünya ulduzlarının iştirakı ilə möhtəşəm konsert proqramları təşkil olunacaq. Aprelin 27-də "Baku Crystal Hall”da keçiriləcək açılış konsertində səhnəyə britaniyalı ulduz Cessi Cey çıxacaq. Aprelin 28-də isə amerikalı superstar Kardi B bağlanış konserti ilə çıxış edəcək.
"Bakı Şəhərinin Sədaları”
Formula 1 yarışı çərçivəsində ənənəvi gecə əyləncə proqramları bu il ilk dəfə olaraq "Bakı Şəhərinin Sədaları” adı altında təqdim ediləcək. "Elektra Events Hall”da dünyaca məşhur DJ-lər çıxış edəcəklər. Aprelin 26-da səhnəyə Ciqan və Mahmut Orhan, ertəsi gün Robin Şulz, ayın 28-də isə "Lost Frequencies” çıxacaq. Gecə keçirilən əyləncə proqramlarında iştirak etmək istəyən hər kəs bilet almalıdır. Biletləri şəhərin müvafiq kassalarında günlük 55 manatdan əldə etmək olar.
Avtoqraf və sual-cavab sessiyaları
F1 azarkeş zonasında yerləşən səhnədə hər gün saat 11:00 ilə 13:00 arasında müxtəlif vaxtlarda Formula 1 pilotlarının iştirakı ilə avtoqraf sessiyaları olacaq. Aprelin 26-da keçiriləcək avtoqraf sessiyalarında "Red Bull”, "Ferrari”, "Renault”, bir gün sonra "Racing Point”, "Alfa Romeo”, "Mercedes”, ayın 28-də isə "Williams”, "McLaren”, "Haas” və "Toro Rosso” komandalarının pilotları iştirak edəcəklər. Yenə bu məkanda fərqli vaxtlarda Formula 1-də yeni pilotlar azarkeşlərin görüşünə gələcək və onların suallarını cavablandıracaqlar.
F1 fanat zonası avtoidman həvəskarları və ailə üzvləri üçün müxtəlif əyləncə vasitələrinin olduğu ən maraqlı məkandır. Burada avtomobillərin şəkilləri və xatirə divarı yaddaşlarda silinməz izlər buraxacaq.
Azarkeşlər pit-stop və reaktiv yarışlarında və oyun zonasında F1 həyəcanını yaşayacaq, istirahət guşəsində isə dincələ biləcəklər. Uşaqlar üçün nəzərdə tutulmuş pit-stop isə rəsm sessiyaları üçün kiçik fanatları gözləyəcək.
Milli adət-ənənə, mədəniyyət və qonaqpərvərliyin şahidi olmaq istəyənlər Azərbaycan mədəniyyəti guşəsinə baş çəkəcəklər.
F1 həvəskarlarının böyük səbirsizliklə gözlədikləri an isə avtoqraf sessiyalarıdır. Bu sessiyalar zamanı F1 qəhrəmanları ilə üz-üzə görüşmək, avtoqraf almaq və foto çəkdirmək şansı olacaq.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
NATO İspaniyada üçüncü hərbi-dəniz bazasını yerləşdirir
29 Mart
Qubada III Aqrobiznesin İnkişafı Forumu keçirilir - YENİLƏNİB
29 Mart
Donald Tusk Ukrayna müharibəsinin uzanacağını güman edir
29 Mart
Füzulidə daha 35 ailəyə mənzillərinin açarları təqdim olunub - YENİLƏNİB
29 Mart
Gürcüstanda müsəlman icmasına daha 20 məscid veriləcək
29 Mart
Cəmiyyətin Ermənistan işğalı altında olan kəndlərin azad ediləcəyi ilə bağlı gözləntisi yüksəkdir-SO...
29 Mart
Oğuz sakinlərindən nəcib təşəbbüs - yanmış meşə sahələri bərpa edilir
29 Mart
İnzibati Xətalar Məcəlləsinin bir sıra maddələri üzrə cərimələrin məbləği artırılır...
29 Mart
“Şahin” hərbi-idman oyununun Şəki rayon turunda 11 komanda mübarizə aparıb
29 Mart
“N” hərbi hissəsində komanda-qərargah təlimi keçirilib
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!