18 Aprel 2019 00:46
369
SİYASƏT
A- A+

Xəzər dənizi məsələlərinə dair Yüksək Səviyyəli İşçi Qrupun iclası keçirilib


Aprelin 16-17-də Nur-Sultan şəhərində Xəzər dənizi məsələlərinə dair Yüksək Səviyyəli İşçi Qrupun ikinci iclası keçirilib.

İclası Qazaxıstanın xarici işlər naziri Beybit Atamkulov açıb. O vurğulayıb ki, Yüksək Səviyyəli İşçi Qrupun qarşısında duran vəzifələr böyük əhəmiyyət daşıyır, əməkdaşlıq məsələlərinin geniş spektri və Xəzərdə fəaliyyətin həyata keçirilməsi üzrə tərəflər arasında nəzərdən keçirilən beştərəfli sazişlərin layihələri üzərində işlərin daha fəal aparılması zəruridir. 2019-cu ildə Türkmənistanda birinci Xəzər İqtisadi Forumunun keçirilməsinin əhəmiyyəti də qeyd olunub.

Danışıqlarda Xələf Xələfovun rəhbərlik etdiyi Azərbaycan Respublikasının, həmçinin İran İslam Respublikasının, Qazaxıstan Respublikasının, Rusiya Federasiyasının və Türkmənistanın nümayəndə heyətləri iştirak edib.

Tərəflər Xəzər dənizində düz çıxış xətlərinin müəyyən edilməsi metodikası haqqında Sazişin layihəsi ətrafında müzakirələri davam etdirib və onun bir neçə müddəalarını razılaşdırıblar. Bu sənədin müzakirəsi növbəti iclasda davam etdiriləcək.

İclas çərçivəsində tərəflər Xəzər dənizində əməkdaşlığın müxtəlif aspektlərinin icmalını nəzərdən keçiriblər və beşinci Xəzər Sammitinin yekunlarına dair əldə olunmuş razılaşmaların həyata keçirilməsi məsələləri ətrafında fikir mübadiləsi aparıblar.

Nümayəndə heyətləri aparılan danışıqların nəticələrini müsbət qiymətləndiriblər və görüşün yüksək səviyyədə təşkilinə görə Qazaxıstan tərəfinə təşəkkür ediblər.

Xəzər dənizi məsələlərinə dair Yüksək Səviyyəli İşçi Qrupun növbəti iclası 2019-cu ilin iyulunda İranda keçiriləcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video