jpg-1713653616.jpg)
Milli Kitabxanada Xalq yazıçısı Çingiz Abdullayevlə görüş keçirilib
Aprelin 11-də M.F.Axundzadə adına Azərbaycan Milli Kitabxanasının nəzdində fəaliyyət göstərən "Maraqlı insanlarla görüş” klubunun növbəti məşğələsində Xalq yazıçısı, Azərbaycan Yazıçılar Birliyinin katibi Çingiz Abdullayevlə görüş keçirilib.
AZƏRTAC xəbər verir ki, tədbir çərçivəsində Prezident İlham Əliyevin müvafiq sərəncamları ilə təltif olunan Çingiz Abdullayevə "Şərəf” ordeninin, Azərbaycan Dövlət Nəşriyyatının direktoru Azər Mustafazadəyə isə ikinci dərəcəli "Əmək” ordeninin vəsiqələri təqdim olunub.
Tədbirdə mədəniyyət naziri Əbülfəs Qarayev son illər dövlət başçısının mədəniyyət və ədəbiyyat sahəsində çalışan insanlara göstərdiyi diqqət və qayğıdan söz açıb. Bildirib ki, Prezident İlham Əliyevin imzaladığı müvafiq sərəncamlar bunu əyani şəkildə sübut edir.
Çingiz Abdullayevin yaradıcılığından danışan nazir deyib ki, yazıçı müxtəlif sahələrdə iz qoymuş şəxslərdəndir. "İdmandan tutmuş mədəniyyətə qədər müxtəlif sahələrdə həyata keçirilən böyük layihələrdə Çingiz Abdullayevin adı çəkilir. Çingiz Abdullayev ölkəmizdə gedən proseslərdə də daim əsl ziyalı mövqeyini ortaya qoyur. O, öz yaradıcılığı ilə ölkəmizin güclü təbliğatçısına çevrilib. Dünyanın bir çox kitabxanalarını ziyarət etmişəm, hər yerdə Çingiz Abdullayevin kitablarına rast gəlmişəm. Bu diqqətə görə mən Prezident İlham Əliyevə öz təşəkkürümü bildirirəm. Bir söz adamının belə dəyərləndirilməsi Azərbaycan ədəbiyyatına verilən yüksək dəyərdir”.
Bu yüksək ali mükafata görə Prezident İlham Əliyevə minnətdarlığını bildirən Çingiz Abdullayev deyib: "Oxucularıma da kitablarımı oxuduqlarına görə təşəkkür edirəm. Bu günə qədər, yəni son üç gündə altı ölkə məni mükafatlarla təltif edib. Buna baxmayaraq, mənim üçün ən yüksək mükafat Azərbaycan dövlətinin verdiyi ordendir”.
Çingiz Abdullayevin istedadlı və işgüzar olduğunu söyləyən Azərbaycan Yazıçılar Birliyinin sədri, Xalq yazıçısı Anar deyib ki, onun çoxsaylı romanları buna əyani sübutdur: "Dəfələrlə səfərdə olmuşuq, onun yolda da dayanmadan yazdığını görmüşəm. Təbrik edir və ona yeni yaradıcılıq uğurları arzulayıram”.
Azərbaycan Milli Kitabxanasının direktoru Kərim Tahirov çıxışında Xalq yazıçısı Çingiz Abdullayevin əsərlərinin dünyanın bir sıra ölkələrində sevilə-sevilə oxunduğunu, eləcə də yazıçının kinossenarist kimi fəaliyyətini yüksək qiymətləndirərək geniş tamaşaçı auditoriyası qazandığını qeyd edib. Həmçinin Azər Mustafazadənin xidmətlərindən danışan K. Tahirov, onun "Müstəqilliyimiz əbədidir” çoxcildliyinin ərsəyə gəlməsində əməyini xüsusi vurğulayıb.
"Azərnəşr” nəşriyyatının baş redaktoru Əlövsət Ağalarov, Əməkdar incəsənət xadimi Natiq Rəsulzadə, Azərbaycan Yazıçılar Birliyinin katibi İlqar Fəhmi, yazıçı-dramaturq Elçin Hüseynbəyli çıxış edərək Azər Mustafazadənin və Xalq yazıçısı Çingiz Abdullayevin ədəbi-ictimai fəaliyyətinin Prezident İlham Əliyev tərəfindən yüksək qiymətləndirilməsinin mədəniyyətimizə, ədəbiyyatımıza verilən ən böyük qiymət olduğunu bildiriblər.
Sonra tədbir iştirakçıları – Milli Kitabxananın əməkdaşları və oxucuları Xalq yazıçısı Çingiz Abdulleyevə çoxsaylı suallarla müraciət ediblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Roma Papası Ukrayna ilə bağlı danışıqlara başlamağa çağırıb
12:51
25 Aprel
25 Aprel
İqlim dəyişmələri ilə bağlı beynəlxalq mübahisələrin sayı getdikcə artacaq
12:51
25 Aprel
25 Aprel
Sabunçuda qızıl dükanını talayan və çətənə kolları əkən şəxslər saxlanılıblar
12:46
25 Aprel
25 Aprel
Komitə sədri: Azərbaycanın əsas prioritetlərindən biri Türk dövlətləri ilə əlaqələrin gücləndirilməs...
12:43
25 Aprel
25 Aprel
Bu gün dünyada dörd əlamətdar gün qeyd olunur
12:43
25 Aprel
25 Aprel
Baş Prokurorluq Nəsib Quliyevin intiharı ilə bağlı dəqiqləşdirilməmiş xəbərlər yayan media subyektlə...
12:42
25 Aprel
25 Aprel
Fuat Oktay: Türk dövlətlərinin bir araya gəlməsində məqsəd sülhü dəstəkləməkdir
12:41
25 Aprel
25 Aprel
Vəkilliyə namizədlərin təntənəli andiçmə mərasimi keçirilib
12:41
25 Aprel
25 Aprel
Çin Azərbaycan-Ermənistan münasibətlərinin normallaşması prosesindəki tərəqqini alqışlayır ...
12:40
25 Aprel
25 Aprel
Aprelin 25-i Ümumdünya Malyariya ilə Mübarizə Günüdür
12:39
25 Aprel
25 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
