Onu şəhidlik zirvəsinə ucaldan vətən, xalq sevgisi olub
İllər ötüb, qərinələr keçsə də şəhidlər unudulmur, həmişə minnətdarlıq hissi ilə yada salınır, xatirələrinə dərin ehtiram bəslənilir. Onları şəhidlik zirvəsinə ucaldan vətən, xalq sevgisi idi. Ölümün gözlərinə dik baxıb torpaqlarımızın bütövlüyü uğrunda canından keçənlərdən biri də Etibar Xəlilovdur.
O, 1961-ci ildə Samux rayonunun Yuxarı Ağasıbəyli kəndində sadə, əməksevər ailədə anadan olmuşdu. Ailənin 7-ci övladı idi. Atası Bayram kişi təkcə kəndin yox, rayonun sayılıb-seçilən ağsaqqallarından idi. Ən böyük arzusu övladlarını ali təhsilli görmək idi. Onlar da bu arzunu gerçəkləşdirirdilər. Etibar Azərbaycan İnşaat Mühəndisliyi İnstitutunu bitirib Bakı Baş Tikinti İdarəsində mühəndis kimi fəaliyyətə başlamışdı. Həmin dövrdə ermənilərin torpaq iddiası ilə Azərbaycana qarşı başladıqları müharibənin qızğın çağı idi. Hər gün eşitdiyi acı xəbərlər Etibarı da rahat buraxmırdı. O, hərbi komissarlığa gəlib cəbhəyə getmək arzusunu bildirdi. Cəbhəyə yola düşəndə anası Zeynəb xala dedi: - Mən səni vətən üçün böyütmüşəm. Onu düşməndən qorumaq vaxtıdır. Get, yolun açıq olsun. Gün o gün olsun ki, şad xəbərlə qayıdasan.
Anasının öyüdü Etibara qol-qanad verdi, döyüşlərdə irəlidə getdi, nümunə göstərdi. Lakin 1994-cü il mayın 6-da Etibar Ağdərə uğrunda gedən döyüşlərdə qəhrəmancasına həlak oldu. Onu müqəddəs bir məkanda - İmamzadə qəbiristanlığında torpağa tapşırdılar. İndi həmin məzar rayon sakinlərinin ziyarətgahına çevrilmişdir. Şəhidin doğum və anım günlərində məzarın ətrafı insanlarla dolu olur. Onlar Etibarın igidliklərindən danışır, məktəblilər ona həsr edilmiş şeirlər söyləyirlər.
Etibar Xəlilovun iki oğul yadigarı var. Özü bu günləri görməsə də, övladları Xəlil və Xəqan atalarının qanı bahasına əldə olunmuş xoş günlərin şahididirlər. Hər cür dövlət qayğısı ilə əhatə olunmuşlar. Hər ikisi ali təhsillidir. Ailə dövlət tərəfindən Bakı şəhərində ikiotaqlı mənzillə də təmin edilib.
Etibarın bacısı Kəmalə Xəlilova dedi ki, dövlətin göstərdiyi diqqət və qayğıdan çox razıyıq. Sağ olsun Prezident. Qardaşımın ailəsinə həmişə dəstək olub. Şəhid ailəsi kimi Prezident təqaüdündən yararlanırlar. Bu yaxınlarda dövlət başçısının həmin təqaüdü 58 manat artıraraq 300 manat etməsi də şəhidlərə göstərilən diqqət və qayğının daha bir təzahürüdür. 1997-ci il avqustun 2-dək Azərbaycan Respublikasının ərazi bütövlüyü uğrunda həlak olmuş, ölmüş və hərbi əməliyyatlarla əlaqədar xəbərsiz itkin düşdüyünə görə ölmüş elan edilmiş hərbi qulluqçuların vərəsələrinə 11.000 manat məbləğində birdəfəlik ödəmənin verilməsi Etibarın ailəsində də razılıqla qarşılanmışdır. Göstərilən bu qayğıya görə də şəhidin ailə üzvləri dövlət başçısına minnətdarlıqlarını bildirdilər.
S.ƏLİYEV,
"Azərbaycan”Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
A.İ.İsmayılovun 3-cü dərəcəli "Vətənə xidmətə görə" ordeni ilə təltif edilməsi haqqında...
25 Aprel
Azərbaycan Respublikasının Mülki Prosessual Məcəlləsində dəyişiklik edilməsi haqqında
25 Aprel
"Təhsil haqqında" Azərbaycan Respublikasının Qanununda dəyişiklik edilməsi barədə" Azərbaycan Respub...
25 Aprel
"Azərbaycan Yerüstü Nəqliyyat Agentliyinin fəaliyyətinin təmin edilməsi və Azərbaycan Respublikası P...
25 Aprel
"RESPUBLİKA DİAQNOSTİKA MƏRKƏZİ" ASC-nin səhmdarlarının nəzərinə
25 Aprel
"Azərbaycan Xəzər Dəniz Gəmiçiliyi" QSC-nin tabeliyində olan struktur idarələrə tələb olunan tikinti...
25 Aprel
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!