16 Mart 2019 01:03
1059
Səhiyyə
A- A+

Bakıda baş-beyin damarlarının anevrizminin müalicəsinin müasir metodlarına dair treninq keçirilib


Martın 15-də Azərbaycan Respublikası Səhiyyə Nazirliyinin Milli Onkologiya Mərkəzinin dəstəyi ilə Bakıda III Almaniya-Azərbaycan Radioloji və Neyroradioloji Simpoziumu başlanıb.

AZƏRTAC xəbər verir ki, iki gün davam edəcək simpoziumun həmsədrləri Milli Onkologiya Mərkəzinin baş direktoru, akademik Cəmil Əliyev və Almaniyanın Aaxen Universitet klinikasının eksperimental invaziv neyroradiologiya bölməsinin rəhbəri, tibb elmləri doktoru, professor Anastasios Mpotsarisdir.

Bu simpoziumun əlamətdar cəhəti ondan ibarətdir ki, AFR-də təsis edilmiş Almaniya-Azərbaycan Radioloji və Neyroradioloji Cəmiyyətinin üzvlərinin və təsisçilərinin ilk yığıncağı Bakıda keçirilir. Cəmiyyətin prezidenti həmvətənimiz, Köln Universitetinin həkim-radioloqu, tibb elmləri doktoru Nuran Abdullayevdir.

Martın 15-də beynəlxalq simpozium çərçivəsində "Zəfəran hospital” klinikasında baş-beyin damarlarının anevrizminin müalicəsinin Azərbaycanda indiyə qədər tətbiq edilməmiş metodlarının praktikada istifadə olunmasına dair workshop-təlim təqdim edilib.

"Zəfəran hospital” klinikasının baş həkimi Firdovsi Məmmədov tədbirdə çıxış edib. Azərbaycanda səhiyyə sahəsinin ilbəil dinamik inkişaf etməsini vurğulayan baş həkim əmin olduğunu bildirib ki, bu seminar ölkəmizdə radiologiya və neyroradiologiyanın inkişafına töhfə verəcək.

Tədbirdə professor Anastasios Mpotsaris, Gettingen Universitet Klinikasının neyroradiologiya şöbəsinin müdiri Folker Maus, Köln Universitetinin həkim-radioloqu, tibb elmləri doktoru Nuran Abdullayev, Heydelberq Universitetinin professoru Kristof M.Zommer, "Zəfəran hospital” klinikasının invaziv radioloqu Ruslan Əliyev, Respublika Müalicə-Diaqnostika Mərkəzinin radioloqu Ağakişi Yəhyayev məruzələrlə çıxış ediblər.

Natiqlər qeyd ediblər ki, baş-beyin damarlarının anevrizmi diaqnozu qoyularkən xəstə müayinə olunur, ona müvafiq suallar verilir, xəstəliyin anamnezi təhlil edilir, nevroloji müayinə aparılır. Diaqnostikanın instrumental prosedurları: baş-beynin kompüter və maqnit-rezonans tomoqrafiyası, serebral və maqnit-rezonans angioqrafiyası yerinə yetirilir. Qeyd edilib ki, müalicə yalnız cərrahi üsulla aparılır, həkim müalicə taktikasını xəstənin vəziyyətindən və xəstəliyin gedişindən asılı olaraq təyin edir. Bundan əlavə, arterial təzyiq göstəricilərinə nəzarət təmin edilməli, zəruri hallarda pasiyent təzyiqin aşağı salınması üçün preparatlar qəbul etməli, siqaret çəkməkdən imtina etməli, düzgün qidalanmalı, qanda xolesterinin səviyyəsinə nəzarət olunmalıdır.

Tədbirdə Anastasios Mpotsaris, Folker Maus və Nuran Abdullayev baş-beyin damarlarının anevrizminin müalicəsinin Azərbaycanda indiyə qədər tətbiq edilməmiş metodlarının praktikada istifadə olunmasına dair workshop-təlim təqdim ediblər.

Məlumat üçün bildirək ki, çoxprofilli "Zəfəran hospital” klinikası 2016-cı ildən fəaliyyət göstərir. Klinikada tibbi yardımın səmərəli təşkili, tibbi texnologiya proseslərinin düzgün yerinə yetirilməsi, səhiyyə resurslarından optimal istifadə edilməsi sayəsində tibbi xidmətlərin yüksək keyfiyyəti təmin olunur. Klinikanın 20 bölməsində (ürək-damar cərrahiyyəsi, kardiologiya, ümumi cərrahiyyə, travmatologiya və ortopediya, nevrologiya, urologiya, bariatrik cərrahiyyə) Avstriya, Türkiyə, Rusiya və ABŞ-ın məşhur tibb universitetlərində təhsil almış mütəxəssislər çalışır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video