13 Mart 2019 21:22
732
İDMAN
A- A+

Azərbaycan nümayəndə heyəti Avropa Velosipedçilər Birliyinin sayca 32-ci konqresində iştirak edib


Romada Avropa Velosipedçilər Birliyinin (UEC) sayca 32-ci konqresi keçirilib. Bu dəfə ki konqresin əsas səciyyəvi cəhəti onun ilk dəfə olaraq Afrika Velosipedçilər Konfederasiyası ilə birgə təşkil edilməsi olub.

AZƏRTAC xəbər verir ki, konqresdə ölkəmizi Azərbaycan Velosiped İdmanı Federasiyasının birinci vitse-prezidenti, Avropa Velosipedçilər Birliyi Rəhbər Komitəsinin üzvü Sahib Ələkbərovun başçılıq etdiyi nümayəndə heyəti təmsil edib.

Tədbirdən bir gün əvvəl konqres iştirakçılarının bir qrupu Vatikanda Roma Papası Fransisklə görüşüblər. Beynəlxalq Velosipedçilər İttifaqının (UCI) prezidenti David Lappartyen öz çıxışında görüş üçün Papaya təşəkkürünü bildirib. Öz növbəsində, Vatikan rəhbəri konqres iştirakçıları ilə görüşündən məmnun olduğunu deyərək velosiped idmanının inkişafı üçün xeyir-dua verib.

Sayca 32-ci konqresdə Avropanın ali velosiped qurumuna üzv olan 43 ölkənin, həmçinin Afrika Velosipedçilər Konfederasiyasının 30 milli federasiyasının nümayəndələri iştirak ediblər. Müzakirə olunan əsas məsələlər sırasında Avropa Velosipedçilər Birliyinin 2021-ci il prezident seçkilərindən sonra Nizamnaməsinə müəyyən dəyişikliklər edilməsi ilə bağlı olub. Belə ki, Beynəlxalq Olimpiya Komitəsi və Beynəlxalq Velosipedçilər İttifaqının tövsiyəsi əsasında UEC-in Rəhbər Komitəsinin 7 üzvünün ən azı ikisinin qadın olması qərara alınıb. Bundan başqa, UCI konqreslərində Avropa adından səsvermə hüququna malik 15 üzvdən də minimum 4-ü qadın olmalıdır.

Avropa Velosipedçilər Birliyinin prezidenti Rokko Kattaneo öz çıxışında konqresin işini yüksək qiymətləndirərək idarəetmədə qadınların rolunun artırılması istiqamətində ilk addım atan qitə qurumu olmaqdan məmnunluğunu ifadə edib. Bundan başqa, UEC rəhbəri aparılan müzakirələrin nəticəsi olaraq kiçik yaşlı velosipedçilər üçün beynəlxalq yarışların sayının artırılmasının və onların təqvim planına daxil edilməsinin də böyük əhəmiyyət daşıdığını deyib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video