Alternative content

10:34 21 Mart 2019
ONLINE XƏBƏR LENTİ
08:42 21.03.2019 Azərbaycana yaz gəldi…
01:41 20.03.2019 Sarsılmaz birlik
20 Yanvar: FOTOKOMPOZİSİYA
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV 60 yaşından sonra idman vaxtsız ölüm riskini azaldır
60 yaşından sonra idman vaxtsız ölüm riskini azaldır
ANA SƏHİFƏ / CƏMİYYƏT
21:34 11.03.2019

İdmanla məşğul olmaq heç vaxt gec deyil. AZƏRTAC "MedikForum”a istinadla bildirir ki, müntəzəm idman məşqləri hətta 60 yaşından sonra başlasa belə, vaxtsız ölüm riskini azaldır.

Tədqiqat idmanla məşğul olmağa başlamaq üçün münasib olmayan yaş yoxdur barədə fərziyyəni təsdiq edib.
Müntəzəm məşqlər hətta orta və ahıl yaşlarda başlasa belə, vaxtsız ölüm riskini bütün həyatı boyu idmanla məşğul olan insanlarda müşahidə olunan həddə qədər azaltmağa kömək edir. Tövsiyə edilən gündəlik fiziki fəallıq normasını 40-61 yaşlarında yerinə yetirməyə başlayan insanlarda vaxtsız ölüm riski 16-43 faiz azalır. Gəncliyində idmanla məşğul olanlar, lakin yaşa dolanda bu faydalı vərdişdən imtina edənlər isə sağlamlıq üçün qazandıqları bütün üstünlükləri itirirlər.

Hazırda həkimlər yaşlı insanlara həftə ərzində azı 150 dəqiqə yüngülvarı fiziki hərəkətləri, yaxud 75 dəqiqə intensiv məşq etməyi tövsiyə edirlər. Bütün bunlar sağlamlıq durumunu xeyli yaxşılaşdırır, konkret olaraq ürək-damar və xərçəng xəstəlikləri səbəbindən ölüm riskini azaldır. Lakin ölüm riskinin azalmasına idmanın təsiri barədə sübutların çoxu xeyli məşq stajı olan orta yaşlı insanlar arasında toplanıb. Fiziki fəallığın insan həyatının müxtəlif dövrlərində həyatdan vaxtsız köçmək riskinə məhz necə təsir göstərməsi ilə bağlı tədqiqatların sayı yetərli olmayıb. ABŞ tədqiqatçıları məhz bu boşluğu doldurublar. Onlar sübuta yetiriblər ki, idmanla müntəzəm məşğul olmaq insanın idmanla məhz nə vaxt məşğul olmağa başlamasından asılı olmayaraq vaxtsız ölüm riskini azaldır. Əgər idman məşqləri dayandırılsa, insanın əvvəllər idmanla nə qədər məşğul olması da əhəmiyyətini itirir. Çünki fiziki hərəkətsizlik vaxtsız ölüm riski ehtimalını artırır.



NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU


VALYUTA


ARXİV


TƏQVİM