jpg-1713653616.jpg)
Bakıda Ümumdünya İrs Komitəsinin 43-cü sessiyasına hazırlıqla bağlı Təşkilat Komitəsinin növbəti iclası keçirilib
Sessiyada 180-dən çox ölkədən 3 minədək nümayəndənin iştirakı gözlənilir
Martın 4-də UNESCO-nun Ümumdünya İrs Komitəsinin 43-cü sessiyasının 2019-cu ildə Bakı şəhərində keçirilməsi ilə əlaqədar Azərbaycan Prezidentinin müvafiq Sərəncamı əsasında yaradılmış Təşkilat Komitəsinin növbəti iclası keçirilib.
AZƏRTAC xəbər verir ki, tədbirdə Təşkilat Komitəsinin sədri, mədəniyyət naziri Əbülfəs Qarayev çıxış edərək görülmüş işlər və qarşıda duran vəzifələr haqqında məlumat verib.
Nazir deyib ki, ölkəmizin son illər sürətlə inkişaf etməsi dünya birliyində yüksək qiymətləndirilir. Mötəbər beynəlxalq təşkilatların öz tədbirlərini Azərbaycanda keçirmələri müstəqil dövlətimizin nüfuzundan xəbər verir.
Ə.Qarayev Azərbaycan-UNESCO münasibətlərinin inkişafında, qarşılıqlı əlaqələrin möhkəmlənməsində Prezident İlham Əliyevin və birinci xanım Mehriban Əliyevanın xidmətlərini xüsusi vurğulayıb. Qeyd olunub ki, Ümumdünya İrs Komitəsinin 42-ci sessiyasında qəbul edilmiş qərara əsasən, 43-cü sessiya 2019-cu il iyunun 30–dan iyulun 10-dək Bakı şəhərində keçiriləcək. Bütün dünyanı əhatə edən komitə üzvlərinin ölkəmizin belə nüfuzlu bir tədbirə ev sahibliyi etməsini dəstəkləməsi, sözsüz ki, ilk növbədə, Azərbaycanın nüfuzunun artdığını təsdiqləyir. Azərbaycanın 42-ci sessiyada bir il müddətinə komitənin sədri seçilməsi UNESCO ilə tərəfdaşlıq münasibətlərinin yüksək səviyyəsinin göstəricisidir.
Komitənin ilk iclasının keçirildiyini və bir sıra məsələlərə aydınlıq gətirildiyini bildirən nazir deyib: "UNESCO-nun Ümumdünya İrs Komitəsinin 43-cü sessiyasının Bakıda keçirilməsi həqiqətən olduqca məsuliyyətli bir işdir. Xüsusilə qeyd etmək istəyirəm ki, Ümumdünya İrs Komitəsinin əvvəlcədən göndərilmiş şərtlər toplusu var idi. Bu şərtlərlə bütün dövlət orqanları tanış olublar. Şərtlərin həlli istiqamətində lazımi işlər görülüb. Demək olar ki, biz ötən müddət ərzində mühüm işlər görə bilmişik və qarşıdakı zaman kəsiyində də lazımi işlərin həllinə nail olacağıq”.
Ümumdünya İrs Komitəsinin çox əhəmiyyətli bir qurum olduğunu söyləyən nazir deyib ki, bu gün dünyada 1500-ə yaxın abidə komitə tərəfindən qorunur. Ümumdünya İrs Komitəsinin sessiyası dünya mədəni irsinə töhfə verən ən nüfuzlu tədbirlərdən biri hesab olunur. Komitə dünya xalqlarının kimliyini və tarixi yaddaşını ifadə edən maddi və təbii irs nümunələrinə, ən dəyərli abidələrə dair qərarlar qəbul edir. Bu tədbirə ev sahibliyi etmək və eyni zamanda, Komitəyə sədrlik etməklə Azərbaycan Respublikası dünya xalqlarının mədəniyyət tarixində öz müsbət izini qoyacaq.
Diqqətə çatdırılıb ki, qurumun 43-cü sessiyası təkcə mədəniyyətlə bağlı deyil. Burada təbiət qoruqlarının siyahıya salınması nəzərdə tutulub. Ona görə də Ekologiya və Təbii Sərvətlər Nazirliyi tərəfindən də bu nominasiyaların nəzərdən keçirilməsinə başlanılıb.
UNESCO-nun Ümumdünya İrs Mərkəzinin direktoru xanım Metşild Rosler Əməliyyat Komitəsinin indiyə qədər keçirdiyi məhsuldar görüşlərə görə iştirakçılara minnətdarlığını bildirib. O deyib ki, bu görüşdə, həmçinin UNESCO texniki komitəsinin üzvləri də iştirak edirlər.
"UNESCO-nun ən əhəmiyyətli tədbirlərindən biri hesab edilən bu sessiyada 180-dən çox ölkədən 3 minədək nümayəndənin iştirakı gözlənilir. UNESCO ilə Azərbaycan arasında sıx əməkdaşlıq münasibətləri mövcuddur. Əminəm ki, bu əhəmiyyətli tədbir də yüksək səviyyədə təşkil olunacaq. İclas zamanı əsas müzakirə mövzularından biri də UNESCO-nun Ümumdünya İrs Siyahısına yeni obyektlərin daxil edilməsi və bu istiqamətdə aparılan işlər olacaq”, - deyə Metşild Rosler qeyd edib.
Sonra 43-cü sessiya üçün hazırlanmış veb-saytın təqdimatı olub.
Mədəniyyət Nazirliyinin Aparat rəhbərinin müavini – Beynəlxalq əməkdaşlıq və innovativ inkişaf şöbəsinin müdiri Vasif Eyvazzadə çıxış edərək təşkilat komitəsinin birinci iclasından sonra həyata keçirilən tədbirlər haqqında məlumat verib. Bildirib ki, sessiyanın keçiriləcəyi Bakı Konqres Mərkəzində bir neçə görüş təşkil edilib, həmçinin mərkəzin imkanları nəzərdən keçirilib.
V.Eyvazzadə iclas iştirakçılarına UNESCO-nun Ümumdünya İrs Komitəsinin 43-cü sessiyasının loqosu və veb-saytı haqqında məlumat verib: "Loqo Bakının müasirlik və qədimlik simvolları olan Qız qalası, Şirvanşahlar sarayı və Heydər Əliyev Mərkəzinin görünüşünü özündə əks etdirir. Saytda iştirakçıların qeydiyyatı, ölkəmizin mədəniyyəti, tarixi abidələri haqqında ətraflı məlumat yer alıb. Sayt tam olaraq martın sonlarına kimi istifadəyə veriləcək. Tədbirin gedişi sayt vasitəsilə canlı yayımlanacaq”.
Sonra iclas Təşkilat Komitəsi üzvlərinin müzakirələri ilə davam edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Keçmiş məcburi köçkünlərin müraciətləri dinlənilib
16:48
25 Aprel
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
16:47
25 Aprel
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
16:46
25 Aprel
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
16:45
25 Aprel
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
16:44
25 Aprel
25 Aprel
Fransızların çoxu Makronun Aİ qərarlarına real təsir göstərdiyinə inanmır
16:33
25 Aprel
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
16:31
25 Aprel
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
16:29
25 Aprel
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
15:59
25 Aprel
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
15:52
25 Aprel
25 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
