Daha ucqar demirlər
Bir il əvvələdək Qobustanda rayonun ucqar kəndlərindən söz düşəndə Poladlının da adı çəkilərdi. Bu, məsafənin uzaqlığı ilə yox, gediş-gəlişin çətinliyi ilə bağlı idi. Rayon icra hakimiyyəti başçısının müavini, sosial-iqtisadi inkişafın təhlili və proqnozlaşdırılması şöbəsinin müdiri Məharət Əkbərovla həmin kəndə getmək üçün 25 dəqiqə vaxt sərf etdik. Kəndə çatanda dedi ki, əvvəllər 14,5 kilometrlik bu yolu bir saata, saatyarıma gedirdilər.
Poladlı kəndində ilk həmsöhbətimiz ərazi inzibati dairəsinin nümayəndəsi Teymur Ağayev oldu. O bildirdi ki, kəndin 1800 nəfər əhalisi var. Bağçılıq, heyvandarlıq və taxılçılıq sakinlərin əsas məşğuliyyət sahəsidir. Son illər narçılığa da maraq artıb. Kənddə yetişdirilən nar əsasən Rusiyaya ixrac olunur. Su, işıq, qaz və yol sarıdan heç bir problem yoxdur. Kəndə gələn yol dövlətin dəstəyi sayəsində yenidən qurulduqdan sonra əhali yetişdirdiyi məhsulları çox rahat şəkildə istədikləri yerə apara bilir.
Ömrünün 50 ilini ədəbiyyat müəllimi işləmiş, hazırda təqaüddə olan Qurban İsmayılov kənddə milli-mənəvi dəyərlərin qorunmasından söz açdı. Dedi ki, kəndin yetirmələri fizika-riyaziyyat elmləri doktoru, professor Seyidəli Haxıyev, professor Seyidəli Əmrahov, coğrafiyaçı-alim Nurəddin Bəndəliyev, neft üzrə mütəxəssis Nüsrət Əliyev yetirmələrə nümunə göstərilir. Rayon rəhbərliyi vaxtaşırı kəndimizə gəlir, problemlərimizlə maraqlanır, sakinlərin qaldırdıqları məsələlərə həssaslıqla yanaşr.
Kənd sakini Əbil Hüseynov dedi ki, atamdan eşitmişəm ki, 1951-ci ilədək bu kənddə cəmi 30-a yaxın ev olub. Həmin illərdə yaxınlıqdakı Girdə ərazisində yaşayan kolanlı camaatı buraya köçüb. Poladlılılar oturaq, kolanlılar köçəri həyat sürüblər.
Kəndin digər sakinləri, o cümlədən həmsöhbət olduğumuz Sərkər Fərəcov və Tofiq İsmayılov təzə çəkilən yolun dövlətin poladlılılara olan diqqətinin nəticəsi kimi dəyərləndirdiklərini bildirərək dedilər ki, indi rahat şəkildə rayon mərkəzinə gedib-gələ bilirlər. Bu yol təkcə onların kəndlərinə yox, həmin yolun üzərində olan digər kəndlərin sakinlərini də rahatlığa qovuşdurub.
Əli SƏLİMOV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Lənkəranda "Bələdiyyələrdə gender bərabərliyi siyasətinin həyata keçirilməsi"ndən danışılıb...
29 Mart
ASF Neftçalada əkin sahələrində subasma halları ilə bağlı zərər dəyərləndirməsinə başlayıb...
29 Mart
Biləsuvarda növbəti ağacəkmə aksiyası keçirilib
29 Mart
Şirvanda daha bir həyət abadlaşdırılıb
29 Mart
Gəncənin daxili yollarında təmir işləri yekunlaşıb
29 Mart
Təzə ad düşərli olub
29 Mart
Qafqazda sülhü savaşa çevirmək istəyən kənar qüvvələr var
29 Mart
Ermənistan başqalarının əlində alətə çevrilmişdir
29 Mart
İmperializmin təzahürü
29 Mart
Bakı asan rəqib deyil
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!