jpg-1713653616.jpg)
Şəhidlərimizin xatirəsi Ankaradakı Xocalı soyqırımı abidəsi önündə ehtiramla anılıb
Xocalı soyqırımının 27-ci ildönümü ilə əlaqədar Ankaranın Keçiörən rayonundakı Xocalı parkında anım mərasimi təşkil olunub.
AZƏRTACxəbər verir ki, Azərbaycanın Türkiyədəki səfirliyi ilə Keçiörən bələdiyyəsinin birgə təşkilatçılığı əsasında keçirilən mərasimdə rəsmi şəxslər, Ankara ictimaiyyətinin tanınmış nümayəndələri, Xocalı sakinləri, yerli əhali, qardaş ölkədə təhsil alan kursant və müdavimlərimiz, QHT və KİV təmsilçiləri iştirak ediblər.
"Unutmadıq, unutmayacağıq!” şüarı ilə keçirilən mərasim şəhidlərimizin ruhuna duaların oxunması ilə başlanıb.
Xocalı qurbanlarının xatirəsi bir dəqiqəlik sükutla yad edildikdən sonra Azərbaycanın və Türkiyənin dövlət himnləri səsləndirilib.
Mərasimdə Azərbaycanın Ankaradakı səfiri Xəzər İbrahim, Keçiörən bələdiyyəsinin sədri Mustafa Ak, Keçiörənin icra başçısı Uğur Bulud, Türkiyə-Azərbaycan parlamentlərarası dostluq qrupunun sabiq rəhbəri Necdət Ünivar və Xocalı sakini Məmməd Nağıyev çıxış ediblər.
Xocalı soyqırımını ermənilərin xalqlarımıza qarşı törətdikləri cinayətlərin davamı olduğunu xatırladan səfir Xəzər İbrahim bildirib ki, ermənilər ötən əsrin əvvəllərində Anadolunun başqa yerlərində olduğu kimi, Türkiyənin Kahramanmaraş şəhərində də Xocalıdakı kimi ağır cinayətlər törədiblər. Səfir vurğulayıb ki, gələcəkdə belə faciələri bir daha yaşamamaq üçün Azərbaycan və Türkiyə qardaşlığı qorunmalı, dövlətlərimiz güclü və qüdrətli olmalıdır.
Türkiyədə Azərbaycan şəhidlərinin Çanaqqala, Sarıqamış və bütün digər şəhidləri ilə eyni məhəbbətlə yad olunduğunu diqqətə çatdıran bələdiyyə sədri Mustafa Ak Xocalı soyqırımının kədərinin sağalmaz yara olduğunu deyib. Bələdiyyə sədri qeyd edib ki, hər zaman qardaş Azərbaycanın yanında olan Türkiyə insanlıq əleyhinə bütün cinayətləri qınayır və lənətləyir.
Dünyada baş verən münaqişələrin əksəriyyətinin müsəlman və türk xalqlarına qarşı ayrı-seçkilik siyasətinin nəticəsi kimi dəyərləndirən Necdət Ünivar bildirib ki, Xocalı soyqırımı təkcə Azərbaycana yox, bütün türk dünyasına, müsəlman aləminə, bəşəri dəyərlərə qarşı cinayətdir. Bu cinayəti törədənlərin cəzalandırılması, Xocalı faciəsinin soyqırımı aktı kimi tanınması dünya birliyinin insanlıq qarşısında borcudur.
Ermənistanın işğalçılıq siyasəti nəticəsində bu ölkə əhalisinin rəzil vəziyyətə düşdüyünü diqqətə çatdıran icra başçısı Uğur Bulud vurğulayıb ki, Azərbaycan mövcud işğal faktına baxmayaraq, gündən-günə qüdrətlənir. Bunun nəticəsidir ki, Azərbaycan Silahlı Qüvvələri 2016-cı ilin aprel ayında düşmənə göz dağı çəkib. İşğal altındakı torpaqlarımızın bir qisminin rəşadətli Azərbaycan Ordusu tərəfindən azad olunduğunu xatırladan Uğur Bulud bildirib ki, Azərbaycanın bütün uğurları qardaş ölkədə sevinclə qarşılanır. Torpaqlarımızın azad olunması düşməndən alınan ən layiqli qisas olacaq.
Erməni silahlı birləşmələrinin keçmiş SSRİ-nin 366-cı motoatıcı alayının köməyi ilə Xocalı şəhərində törətdiyi cinayətlər barədə gördüklərini bölüşən Xocalı sakini Məmməd Nağıyevin sadaladığı dəhşət saçan faktlar iştirakçılar tərəfindən hiddətlə qarşılanıb.
Çıxışlarda 27 il əvvəl Azərbaycanın Xocalı şəhərində ermənilər tərəfindən törədilən insanlıq əleyhinə cinayətin səbəb, məqsəd və dəhşətli nəticələri barədə müfəssəl məlumat verilib. Diqqətə çatdırılıb ki, Xocalı soyqırımı XX əsrdə insanlıq əleyhinə törədilən ən ağır cinayət kimi tarixə silinməz ləkə salıb. Sülhsevər dünya ictimaiyyəti Xocalı faciəsini soyqırımı aktı kimi tanımalı, bu bəşəri cinayəti törədənlər cəzalandırılmalı və ikili standartlara son qoymaqla dünyada sülhü və əmin-amanlığı təmin etməlidir.
Çıxışlardan sonra parkdakı Xocalı soyqırımı abidəsi önünə əklillər qoyulub, gül dəstələri düzülüb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Roma Papası Ukrayna ilə bağlı danışıqlara başlamağa çağırıb
12:51
25 Aprel
25 Aprel
İqlim dəyişmələri ilə bağlı beynəlxalq mübahisələrin sayı getdikcə artacaq
12:51
25 Aprel
25 Aprel
Sabunçuda qızıl dükanını talayan və çətənə kolları əkən şəxslər saxlanılıblar
12:46
25 Aprel
25 Aprel
Komitə sədri: Azərbaycanın əsas prioritetlərindən biri Türk dövlətləri ilə əlaqələrin gücləndirilməs...
12:43
25 Aprel
25 Aprel
Bu gün dünyada dörd əlamətdar gün qeyd olunur
12:43
25 Aprel
25 Aprel
Baş Prokurorluq Nəsib Quliyevin intiharı ilə bağlı dəqiqləşdirilməmiş xəbərlər yayan media subyektlə...
12:42
25 Aprel
25 Aprel
Fuat Oktay: Türk dövlətlərinin bir araya gəlməsində məqsəd sülhü dəstəkləməkdir
12:41
25 Aprel
25 Aprel
Vəkilliyə namizədlərin təntənəli andiçmə mərasimi keçirilib
12:41
25 Aprel
25 Aprel
Çin Azərbaycan-Ermənistan münasibətlərinin normallaşması prosesindəki tərəqqini alqışlayır ...
12:40
25 Aprel
25 Aprel
Aprelin 25-i Ümumdünya Malyariya ilə Mübarizə Günüdür
12:39
25 Aprel
25 Aprel
DİQQƏT ÇƏKƏNLƏR
10 Aprel 2024Şuşanın nurlu gecələ...
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Video
