22 Fevral 2019 22:42
265
SİYASƏT
A- A+

ATƏT PA-nın sessiyasında Avropada miqrant problemindən bəhs olunub


Miqrantlar və etnik qruplar hərbi münaqişələr, sosial və ya iqtisadi qeyri-sabitlik kimi müxtəlif səbəblərdən vətənini tərk edən insanlardır. Təəssüf ki, Yaxın Şərq və Şimali Afrikadakı münaqişələrin baş verməsi məcburi köçkünlərin axını ilə nəticələndi.

Bu fikirləri fevralın 22-də Vyanada ATƏT PA-nın qış sessiyasının yekun iclasında Azərbaycan nümayəndə heyətinin üzvü, deputat Elşad Həsənov söyləyib. O qeyd edib ki, hazırda ATƏT regionunda miqrantlar məsələsi elə bir problemdir ki, bu problem mümkün qədər tez həll olunmalıdır. Avropa milyonlarla miqrantların tez bir zamanda qəbulu və səmərəli inteqrasiyasına hazır deyil. Nəticədə, bəzi Avropa ölkələrində qaçqın düşərgələri və saxlanma mərkəzləri genişlənib.

Bildirilib ki, Avropa ölkələrindəki qaçqın düşərgələri və saxlanma mərkəzlərinin risk zonası olduğu etiraf edilməlidir, çünki sosial və iqtisadi problemlər miqrantlar arasında bərabərsizlik yaradır. Bu şərtlər yeni gələnləri radikalların bir növ əkin sahəsinə çevirir. Biz ekstremist təbliğatın nümunələrini tez-tez görürük. İnternet və sosial media bəzən milliyyətçi və ekstremist duyğuları təhrik etmək üçün platforma rolunu oynayır.

E.Həsənov çıxışının yekununda qeyd edib ki, miqrantları inteqrasiya etmək üçün bütün zəruri addımlar atılmalıdır. Əks halda bu insanlar radikal təbliğat üçün yumşaq bir hədəf olacaqlar. Eyni zamanda, Avropa ölkələri qaçqın axınının baş verdiyi ölkələrlə fəal əməkdaşlıq etməlidirlər. Hökumətlərarası əməkdaşlıq bu məsələni həll etməyə kömək edə bilər.

Bildirilib ki, miqrant böhranının həlli mexanizmləri ilə bağlı təkliflər irəli sürülməlidir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video