21 Fevral 2019 20:15
401
CƏMİYYƏT
A- A+

Beynəlxalq Multikulturalizm Qış Məktəbinin iştirakçıları Azərbaycandakı dini tolerantlıq barədə məlumatlandırılıb


Fevralın 21-də Qafqaz Müsəlmanları İdarəsində (QMİ) VIII Beynəlxalq Multikulturalizm Qış Məktəbinin iştirakçıları ilə görüş keçirilib.

AZƏRTAC xəbər verir ki, Qış Məktəbinin iştirakçıları əvvəlcə Təzəpir məscidi ilə tanış olublar.

Görüşdə QMİ-nin aparat rəhbəri Simran Həsənov iştirakçılara Azərbaycanda İslam dininin tarixi və buradakı tolerantlıq mühiti barədə məlumat verib. O bildirib ki, ölkəmiz əsrlərboyu müxtəlif mədəniyyətlərin qovuşduğu bir məkan olaraq multikultural ənənələrə sadiqliyini nümayiş etdirib. Müxtəlif dinlərin nümayəndələri Azərbaycanda sülh şəraitində yaşayırlar, ölkəmizdə onların hər birinə hörmətlə yanaşılır.

QMİ-nin sədr müavini Qəmərxanım Cavadlı qonaqlara Qafqaz Müsəlmanları İdarəsinin tarixi və fəaliyyəti barədə ətraflı məlumat verib. Azərbaycanda dövlətin dinə və dindarlara qayğısından danışan Q.Cavadlı qeyd edib ki, bütün dinlərin nümayəndələri bu qayğıdan bəhrələnirlər. Azərbaycanda məscidlər, kilsələr, sinaqoqlar təmir edilir. Bu addım da ölkəmizdə bütün dinlərə eyni münasibətin bariz nümunəsidir.

Sonra Qış Məktəbi iştirakçılarının sualları cavablandırılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video