21 Fevral 2019 16:38
376
SİYASƏT
A- A+

ATƏT məkanında münaqişələrin həlli yalnız konstruktiv dialoq sayəsində mümkündür


ATƏT Parlament Assambleyasının (ATƏT PA) 18-ci qış sessiyası çərçivəsində daimi komitənin iclasında ATƏT PA-nın prezidenti Georgi Tsereteli təşkilatın ötən il ərzində göstərdiyi fəaliyyətə dair hesabatla çıxış edib. Sonra ATƏT PA-nın baş katibi Roberto Montella və büdcə nəzarətçisi Doris Barnett hesabat veriblər.

Ümumi müzakirələr zamanı çıxış edənlər Brexit, Ukraynadakı böhran, Suriyadakı Avropa vətəndaşlığına malik terrorçuların müvafiq ölkələrə təhvili, yaxın və orta mənzilli raketlərin ləğvi ilə bağlı razılaşmaya son qoyulması çərçivəsində təhlükəsizlik, ATƏT məkanında seçkilər və onların müşahidə edilməsi məsələlərinə toxunublar.

Azərbaycan nümayəndə heyətinin rəhbəri Bahar Muradova çıxışı zamanı münaqişələrdən əziyyət çəkən regionlarda, xüsusilə Cənubi Qafqazda uzun illər ərzində itirilmiş imkanların yenidən əldə edilməsinin Helsinki Yekun Aktının prinsiplərinə tam riayət etmək şərti ilə yalnız konstruktiv dialoq vasitəsilə mümkün olduğunu vurğulayıb. Xüsusilə qeyd edilib ki, danışıqlar prosesində tərəflərin verdiyi son müsbət bəyanatlar Azərbaycan Respublikasının Dağlıq Qarabağ regionunun hər iki icmasını yaxınlaşdırmaq, xalqları sülhə hazırlamaq istiqamətində yeni impulsların yarandığını göstərir. Bahar Muradova vurğulayıb ki, parlamentarilər ATƏT məkanında bütün münaqişələrin sülh yolu ilə həlli üçün yaranmış yeni imkanlardan yararlanmalıdırlar.

İclasda, həmçinin bu il aprelin 7-8-də Kopenhagendə keçiriləcək büro iclası, iyulun 4-8-də Lüksemburqda keçiriləcək 28-ci illik iclas, oktyabrın 3-6-da Mərakeşdə planlaşdırılan payız sessiyası və eləcə də ATƏT Nazirlər Şurasının illik iclası çərçivəsində dekabrın 4-də Bratislavada keçiriləcək büro iclası, yaxın gələcəkdə mümkün tədbirlərin hazırlanması ilə bağlı məsələlər və proqram müzakirə edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video