oxucuların suallarına cavab verir
Qarabağ müharibəsi veteranıyam. Müharibə veteranı kimi mənə ödənilməli olan müavinətin verilməsindən imtina edilir. İmtinanı onunla əsaslandırırlar ki, mən dövlət qulluqçusu kimi pensiyaya çıxmışam. Bu, qanunidirmi?
Əkbər RÜSTƏMOV,
Bakı şəhəri
- Azərbaycan Respublikası Prezidentinin "Aztəminatlı əhalinin sosial müdafiəsinin gücləndirilməsi tədbirləri barədə" 8 sentyabr 2010-cu il tarixli, 324 nömrəli fərmanının 1.1.5-ci bəndinə əsasən, əmək pensiyası almaq hüququ olmayan Azərbaycan Respublikasının ərazi bütövlüyü uğrunda aparılan döyüş əməliyyatlarında iştirak etdiyinə görə müharibə veteranı adı almış şəxslərə 30 manat (bu məbləğ 2011-ci il dekabrın 1-dən 10 faiz artırılmışdır) aylıq müavinət ödənilir.
Göründüyü kimi, sözügedən aylıq müavinəti almaq üçün 2 şərtin mövcudluğu tələb olunur: 1) müharibə veteranı olmaq; 2) əmək pensiyası almaq hüququna malik olmamaq. Odur ki, əmək pensiyası aldığınıza görə sizə aylıq müavinət ödənilə bilməz.
Atam Böyük Vətən müharibəsi iştirakçısı olduğuna görə hər il 9 May - Qələbə Günü ərəfəsində Azərbaycan Respublikası Prezidentinin sərəncamına əsasən birdəfəlik maddi yardım alırdı. Atam vəfat edəndən sonra ona düşən yardımı anama vermirlər. Bu, düzgündürmü?
Cavanşir MUSAYEV,
Qazax şəhəri
- 1941-1945-ci illər Böyük Vətən müharibəsi iştirakçılarına birdəfəlik maddi yardımın ödənilməsi ilə bağlı Azərbaycan Respublikası Prezidenti tərəfindən müxtəlif tarixlərdə sərəncamlar (249 nömrəli 27 aprel 2009-cu il tarixli, 869 nömrəli 22 aprel 2010-cu il tarixli, 1481 nömrəli 3 may 2011-ci il tarixli və s.) verilmişdir. Həmin sərəncamların məzmunundan aydın olur ki, birdəfəlik maddi yardım 1941-1945-ci illər Böyük Vətən müharibəsi iştirakçılarına sağlıqlarında ödənilməlidir. Böyük Vətən müharibəsi iştirakçılarına ödənilməli olan birdəfəlik maddi yardımın onun ailə üzvlərinə, o cümlədən arvadına verilməsi nəzərdə tutulmamışdır.
Cavablandırdı:
Dünyamin NOVRUZOV,
Bakı Hüquq Mərkəzinin hüquq məsləhətçisi
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
A.İ.İsmayılovun 3-cü dərəcəli "Vətənə xidmətə görə" ordeni ilə təltif edilməsi haqqında...
25 Aprel
Azərbaycan Respublikasının Mülki Prosessual Məcəlləsində dəyişiklik edilməsi haqqında
25 Aprel
"Təhsil haqqında" Azərbaycan Respublikasının Qanununda dəyişiklik edilməsi barədə" Azərbaycan Respub...
25 Aprel
"Azərbaycan Yerüstü Nəqliyyat Agentliyinin fəaliyyətinin təmin edilməsi və Azərbaycan Respublikası P...
25 Aprel
"RESPUBLİKA DİAQNOSTİKA MƏRKƏZİ" ASC-nin səhmdarlarının nəzərinə
25 Aprel
"Azərbaycan Xəzər Dəniz Gəmiçiliyi" QSC-nin tabeliyində olan struktur idarələrə tələb olunan tikinti...
25 Aprel
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!