15 Fevral 2019 15:40
860
Səhiyyə
A- A+

Qusarda 100 minə yaxın vətəndaş kütləvi tibbi müayinədən keçəcək


Prezident İlham Əliyevin tapşırığına əsasən keçirilən əhalinin tibbi dispanserizasiyasına Qusar rayonunun 98 min nəfər sakini cəlb olunacaq.

AZƏRTAC-ın bölgə müxbiri xəbər verir ki, fevralın 12-dən başlayaraq gün ərzində 350-400 vətəndaş müayinədən keçir. Tibbi müayinələr zamanı yoxlanan şəxslərə həkimlər tərəfindən profilaktik baxış keçirilir, sağlamlığa dair məlumatlar və xəstəliklərə səbəb olan risk faktorları ilə bağlı tövsiyələr verilir. Humanitar aksiya zamanı rayon sakinləri ehtiyac yarandıqda rentgen, laborator, ultrasəs və elektrokardioqram müayinələrinə cəlb edilirlər.

Qusar Rayon Mərkəzi Xəstəxanasının poliklinika şöbəsinin müdiri Aybəniz Əfəndiyeva AZƏRTAC-ın bölgə müxbirinə müsahibəsində bildirib ki, rayonda əhalinin kütləvi tibbi müayinələrinin ilk günündə müraciət edənlər arasında xroniki bronxit, hipertoniya, böyrək çatışmazlığı və mədə-bağırsaq xəstəliklərindən şikayət edən vətəndaşlar müəyyənləşdirilib.

Şöbə müdiri qeyd edib ki, ölkə vətəndaşlarının kütləvi tibbi müayinəyə cəlb edilməsi xəstəliklərin erkən aşkarlanmasına və vaxtında müalicəsinə, əhalinin sağlamlığının, xalqımızın genefondunun qorunmasına yönəlib. Aksiyanın mütəşəkkil keçirilməsi üçün əvvəlcədən ciddi hazırlıq işləri görülüb, lazımi şərait yaradılıb. Həmçinin xüsusi tədbirlər planı hazırlanaraq, qrafik tərtib edilib.

Tibbi müayinədən keçən Elsəfa Məmmədov və Nazirə Qədimova AZƏRTAC-ın bölgə müxbiri ilə söhbətlərində humanitar aksiyadan razı qaldıqlarını bildirərək, əhalinin tibbi müayinələrə cəlb edilməsini vətəndaşların dövlət qayğısı ilə əhatə olunmasının əyani nümunəsi kimi dəyərləndiriblər.

Rayon sakinləri tərtib olunan qrafikə uyğun olaraq rayon mərkəzi xəstəxanası ilə yanaşı, kənd sahə xəstəxanalarında da müayinə olunurlar. Yüksəkixtisaslı mütəxəssislərdən ibarət həkim briqadaları tərəfindən keçirilən tibbi aksiyada kənd və qəsəbələrin əhalisi fəal iştirak edir.

Ötən il keçirilən dispanserizasiya tədbirləri çərçivəsində rayon əhalisinin 59 min 792 nəfəri (84 faizi) tibbi müayinəyə cəlb edilib. Onlardan 7 min 870 nəfərə ambulator, 504 nəfərə stasionar müalicə təyin olunub, 104 nəfər ətraflı müayinə və müalicə üçün Bakı şəhərinə göndərilib.

Mayın 12-dək davam edəcək tibbi müayinələrə rayonun bütün sakinlərinin cəlb olunması nəzərdə tutulur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video