14 Fevral 2019 16:25
828
Elm və texnika
A- A+

Fiziki imkanları məhdud olan şəxslərin məşğulluq problemləri müzakirə edilib


Azərbaycan Milli Elmlər Akademiyasının (AMEA) Hüquq və İnsan Haqları İnstitutu "Fiziki imkanları məhdud olan şəxslərin məşğulluq problemləri” mövzusunda dəyirmi masa keçirib.

AZƏRTAC xəbər verir ki, tədbirdə institutun direktoru, Milli Məclisin deputatı, hüquq üzrə elmlər doktoru Aytən Mustafazadə fiziki imkanları məhdud şəxslərin cəmiyyətə inteqrasiyasının vacibliyini, bu istiqamətdə görülən işlərin ölkə başçısı İlham Əliyev tərəfindən daim nəzarətdə saxlandığını vurğulayıb.

Qeyd edib ki, Hüquq və İnsan Haqları İnstitutu da fiziki imkanları məhdud şəxslərin hüquqlarının qorunması ilə bağlı məsələləri gündəmdə saxlayır, müvafiq elmi-tədqiqat işləri və qanunların ekspertizasını aparır və tədbirlər keçirir. İnstitutun elmi şurasının qərarı ilə ötən ilin yanvar ayında "Fiziki imkanları məhdud olan şəxslərin hüquqları” adlı kafedra açılıb. Kafedranın fəaliyyətə başladığı bir il ərzində fiziki imkanları məhdud şəxslərin sosial hüquqları ilə bağlı problemli məsələlər müzakirə edilib, bu kateqoriyadan olan insanlara diqqət və qayğının artırılması istiqamətində əhəmiyyətli təkliflər verilib. "Əlilliyi olan şəxslərin məşğulluğu problemləri” kitabı nəşr olunub.

Milli Məclisin deputatı Hadı Rəcəbli bildirib ki, fiziki imkanları məhdud şəxslərin cəmiyyətə inteqrasiyası və onların sosial-məişət problemlərinin həlli, həmçinin inklüziv təhsillərinin inkişaf etdirilməsi, peşə hazırlığı, iş yerləri ilə təmin olunması ölkə rəhbərliyinin daim diqqət mərkəzindədir. Vətəndaşlarımızın bu kateqoriyasına dövlət səviyyəsində xüsusi diqqət göstərilir. Azərbaycan Respublikasının Birinci vitse-prezidenti Mehriban Əliyeva insanların sosial hüquqları ilə bağlı məsələləri nəzarətində saxlayır.

AMEA-nın İctimai Elmlər Bölməsinin akademik-katibi Nərgiz Axundova institutun fiziki imkanları məhdud olan şəxslərin hüquqlarının qorunması sahəsində gördüyü işləri yüksək qiymətləndirib.

Dəyirmi masa iştirakçıları fiziki imkanları məhdud şəxslərin məşğulluq problemlərini, onların sosial hüquqları ilə bağlı problemli məsələləri müzakirə edib və təkliflər veriblər.

Tədbirdə Milli Məclisin deputatları, sosial qanunvericilik şöbəsinin əməkdaşları, Təhsil Nazirliyinin, Əmək və Əhalinin Sosial Müdafiəsi Nazirliyinin, müvafiq dövlət və qeyri-hökumət təşkilatlarının nümayəndələri iştirak ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video