11 Fevral 2019 15:18
517
İQTİSADİYYAT
A- A+

Moskvada Azərbaycanın baş sponsoru olduğu “Prodexpo 2019” sərgisi açılıb


Sərgidə 31 Azərbaycan şirkəti öz məhsullarını vahid ölkə stendində təqdim edir


Moskvadakı "Eksposentr” Mərkəzi Sərgi Kompleksində "Prodexpo 2019” sərgisi açılıb.

AZƏRTAC xəbər verir ki, XXVI beynəlxalq qida məhsulları, içkilər və onların istehsalı üçün istifadə edilən xammal sərgisinin baş sponsoru bu il də Azərbaycan olub. Sərgidə təqdim edilən "Made in Azerbaijan” milli stendində geniş çeşidli məhsullar nümayiş olunur.

Azərbaycanın Rusiyadakı səfiri Polad Bülbüloğlu sərginin açılış mərasimində çıxış edərək bildirib ki, buliki sərgidə ölkəmizin 31 şirkəti iştirak edir. Sərgi iştirakçı ölkələr üçün Rusiya bazarına çıxmaq, faydalı müqavilələr bağlamaq, ölkələrimiz arasında əmtəə mübadiləsini artırmaq və xalqlarımızın rifahını yüksəltmək üçün olduqca yaxşı fürsətdir.

Səfir xatırladıb ki, bu günlərdə Rusiyanın iqtisadi inkişaf naziri Maksim Oreşkin Azərbaycanda səfərdə olub: "Biz Azərbaycanla Rusiya arasında Samur çayı üzərində avtomobil körpüsünün tikintisinə baxış keçirdik. İnşaatçılar bu ilin sonunadək dördzolaqlı körpünün tikintisini başa çatdırmağı planlaşdırırlar. Körpü hazır olduqdan sonra hətta Hindistan, Əfqanıstan kimi uzaq ölkələrdən belə Şimal-Cənub nəqliyyat dəhlizi vasitəsilə yükləri 15-16 günə Ruisyaya və burdan da digər ölkələrə daşımaq mümkün olacaq. Beləliklə, çox böyük tranzit imkanları açılır. Biz, dostumuz və qonşumuz olan Rusiya ilə birgə digər ölkələrin ticarət əlaqələrinin genişlənməsinə kömək etməyə şadıq”.

Azərbaycan şirkətlərinin təmsil olunduğu ekspozisiyada təzə kənd təsərrüfatı məhsulları, konservlər, mineral sular, müxtəlif alkoqollu və alkoqolsuz içkilər, çay, fındıq, qoz, quru meyvə, qənnadı məmulatları və sair təklif edilir. "Spirtli içkilər. Şərab. Pivə” salonuna gələnlər Azərbaycanın qədim şərabçılıq ənənələri ilə tanış olmaq imkanı qazanır.

Rusiyanın Ticarət-Sənaye Palatasının himayəsi və Kənd Təsərrüfatı Nazirliyinin dəstəyi ilə "Eksposentr” tərəfindən təşkil edilən "Prodexpo” postsovet məkanında ərzaq sənayesi məhsullarının ən genişmiqyaslı sərgi layihəsidir. Ümumi sahəsi 100 min kvadratmetrdən çox olan sərgidə dünyanın 65 ölkəsində qida məhsulları və müxtəlif içkilər istehsal edən 2300-dən çox şirkət iştirak edir. 30 tematik salonda yeyinti, emal və içki sənayesi sahələrinin çox geniş spektri təqdim olunur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video