Alternative content

03:29 19 Fevral 2019
ONLINE XƏBƏR LENTİ
01:02 19.02.2019 Xocalıda sönən ocaqlar
00:52 19.02.2019 Vaxt və zaman ölçüsü
00:51 19.02.2019 Çillə suyu
00:50 19.02.2019 Bənövşəni hamı sevir
20 Yanvar: FOTOKOMPOZİSİYA
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Çax-çax baş ağrıdır
Çax-çax baş ağrıdır
ANA SƏHİFƏ / SİYASƏT
01:21 09.02.2019


Azərbaycan Respublikası Prezidentinin Administrasiyasının Sənədlərlə və vətəndaşların müraciəti ilə iş şöbəsinin müdiri Süleyman İsmayılovun "Azərbaycan” qəzetində dərc edilmiş "Prezident İlham Əliyevin vətəndaş müraciətlərinə münasibəti bütün məmurlara örnəkdir” sərlövhəli məqaləsində dövlətimizin liderindən belə sitat gətirilib: "Mənim bir amalım var, güclü dövlət qurmaq və xalqa ləyaqətlə xidmət etmək”. Bax elə ABŞ-dakı "Freedom House” beynəlxalq hüquq-müdafiə təşkilatını və digər antiazərbaycan şəbəkəsinin "insan hüquqları müdafiəçilərini” də qıcıqlandıran Azərbaycan Prezidentinin bu mövqedən çıxış edərək atdığı addımlardır. Böyük dövlətlərin nüfuz savaşında Azərbaycanı alətə çevirmək iqtidarında olmamaqdır. Azərbaycan iqtisadi və siyasi cəhətdən yaxın, uzaq qonşularından asılı deyil. Regionda güclü orduya malik dövlətlərdən biridir.

Sirr deyil ki, Azərbaycanı asılı vəziyyətə salmaq, güc mərkəzlərində hazırlanmış mənfur planların şüursuz icraçısına çevirmək cəhdləri uzun illərdir ki, özünü göstərir. Artıq, xüsusilə "Freedom House”nin hesabatları xalqımız üçün heç bir maraq kəsb etmir. Bu hesabatlar tutuquşunun sahibi tərəfindən öyrətdiyi eyni sözləri hər dəfə təkrar söyləməsinə bənzəyir. Yəqin hesabatı hazırlayanlar da bilirlər ki, dövriyyəyə buraxdıqları yalanların təsir gücü yoxdur. Bu, onlar üçün əhəmiyyət də kəsb etmir. Əsas odur ki, sifarişi yerinə yetirib pullarını alırlar. Erməni lobbisindən geninə-boluna maliyyələşirlər. Hesabatlardan da göründüyü kimi, bədnam beynəlxalq təşkilatları hər cəhətdən dəstəkləyən siyasi, maliyyə dairələrinin iki məqsədi var: Azərbaycanı beynəlxalq aləmdə təkləmək, nüfuzdan salmaq, xalq-iqtidar arasında uçurum yaratmaq. Burada yadıma atalarımızın məşhur məsəli düşür: "Dəyirman öz işindədir, çax-çax baş ağrıdır”. "Freedom House”lərin çax-çaxı ürəyimizi bulandırsa da, respublikamız beynəlxalq aləmdə uğurlu siyasəti sayəsində mövqeyini möhkəmləndirməkdədir. Ölkəmizin böyük dövlətlərlə dostluq, bərabərhüquqlu əlaqələri get-gedə daha da güclənir. Regionda bütün iri layihələr Azərbaycanın razılığı və iştirakı olmadan həyata keçirilə bilmir.

Azərbaycanda vətəndaş cəmiyyəti Avropa standartları tələblərinə uyğun formalaşıb. Hər bir vətəndaş konstitusiya hüquqlarından sərbəst bəhrələnir. Hər bir vətəndaş, siyasi baxışından asılı olmayaraq, qəzet, jurnal və sair çap vasitəsi çap etmək hüququna malikdir. Mitinq, söz azadlığına sərhəd qoyulmur.

Azərbaycan Prezidenti deyir: "Bizim siyasətimizin mərkəzində Azərbaycan vətəndaşı, onun problemləri, onun qayğıları, onun rifahı dayanır”. Hörmətli İlham Əliyev dediyi bu sözləri əməli ilə sübut edir. Elə bu günlərdə Şamaxıda zəlzələdən zərər çəkmiş insanların yanında oldu. Onların problemlərini öz dillərindən eşitdi. Müvafiq orqanlara göstərişlər verdi. Xalq onun bu təəssübkeşliyini yüksək qiymətləndirir.

Xatirə Rəhimzadə adlı Şamaxı sakininin dediyi aşağıdakı sözləri bütövlükdə xalqımızın Prezidentimizə inamının, məhəbbətinin rəmzi də adlandırmaq olar: "Sağ olun ki, varsınız. Biz Sizə arxalanırıq. Xalqı bu qədər sevirsiniz. Sağ olun ki, xalqa bu qədər dəstəksiniz. Dəstəyinizə görə minnətdarıq. Sizinlə qürur duyuruq. Prezidentimizin belə qayğıkeşliyi, xalqa xidməti ilə çox qürur duyuruq. Azərbaycan etibarlı əllərdədir”.

Mən işimlə əlaqədar çox ölkədə olmuşam. Açığı, heç bir ölkədə belə xalq və iqtidar birliyi görməmişəm. Bu birliyi görməmək üçün ən azı "Freedom House” kimi kor olmaq lazımdır.

Səttar MÖHBALIYEV,

AHİK sədri, Milli Məclisin deputatı, BHİK-in vitse-prezidenti



NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU


VALYUTA


ARXİV


TƏQVİM