30 Yanvar 2019 18:23
469
DÜNYA
A- A+

Liviya-İtaliya marşrutunda 15 qaçqından biri həlak olur


Ötən il Aralıq dənizini keçərkən həlak olmuş qaçqınların sayı artmışdır. Bu barədə BMT-nin Qaçqınların İşləri üzrə Ali Komissarlığı məlumat vermişdir.

Liviya ilə İtaliya, yaxud Malta arasında marşrutda vəziyyət xüsusilə ağırdır. 2017-ci ildə bu yolda 38 qaçqından biri həlak olurdusa, 2018-ci ildə 15 qaçqından biri dənizdə batmışdır.

2018-ci ildə Aralıq dənizini keçib Avropa İttifaqı ölkələrinə gələn qaçqınların sayı 117 minə çatmışdır. Azı 2275 nəfər yolda həlak olmuşdur. Humanitar təşkilatlar hesab edir ki, ölənlərin sayı az göstərilir, çünki meyitlərin və qayıqların hamısını tapmaq mümkün olmur. 2017-ci ildə Aralıq dənizini 172 min qaçqın keçmiş, ölənlərin sayı 3139 nəfər olmuşdur.

2018-ci ilin ortalarında dünyada təxminən 68,8 milyon miqrant, köçkün və sığınacaq axtaran var idi. Bu, 2017-ci ildəki rəqəmdən 300 min nəfər çoxdur.

Dünyada hər üç qaçqından biri Suriya vətəndaşıdır. Suriyalı qaçqınların əksəriyyəti Türkiyə (3,6 milyon nəfər), Livan (968,1 min nəfər) və İordaniyada (667,2 min nəfər) məskunlaşmışdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video