21 Yanvar 2019 21:47
457
SİYASƏT
A- A+

Özbəkistan portalı: 20 Yanvar Azərbaycan xalqının tarixinə mərdlik və cəsarət rəmzi kimi daxil olub


Özbəkistanın interpress.uz portalı 20 Yanvar faciəsi ilə bağlı özbək dilində məqalə yayıb.

AZƏRTAC xəbər verir ki, yazıda 20 Yanvar faciəsinin səbəbləri, dünya birliyinin bu faciəyə münasibəti haqqında söhbət açılır. Qeyd edilir ki, 1990-cı ilin 20 Yanvar faciəsindən 29 il ötür və bu qətliam Azərbaycan xalqının tarixinə mərdlik və cəsarət rəmzi kimi daxil olub.

Yazıda yanvarın 19-dan 20-nə keçən gecə Bakı küçələrində qəddarlıqla öldürülənlər və yaralananların sayı haqqında məlumat verilir. Bildirilir ki, həmin gecə hətta qocalara, qadınlara, uşaqlara aman verilməyib, onlar güllələniblər. Faciədən bir gün sonra o vaxt Moskvada yaşayan ulu öndər Heydər Əliyev Azərbaycanın bu şəhərdəki nümayəndəliyinə gedərək hadisələrə kəskin etirazını bildirib, faciənin əsas günahkarının keçmiş SSRİ-nin rəhbəri Mixail Qorbaçov olduğunu bildirib.

Vurğulanır ki, Bakıda dinc sakinlər - qocalar, qadınlar və uşaqlar güllələndikdən sonra - yanvarın 20-də səhər tezdən fövqəladə vəziyyət elan olunması ilə əlaqədar Mixail Qorbaçovun fərmanı oxunub.

Məqalədə "New York Times”, "The Times”, "Guardian” və digər qəzetlərdə 20 Yanvar faciəsi haqqında dərc olunmuş yazılardan fikirlərə də yer verilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video