O gün unudulan deyil
Xalqımızın tarixinə qanlı hərflərlə yazılmış 20 Yanvar faciəsi yəqin ki, insanların, xüsusən də bu hadisənin şahidi və iştirakçısı olanların yaddaşından heç zaman silinməyəcək. Onlardan biri də İsmayıllı rayonunun Diyallı kənd sakini, II qrup əlil Əlizadə Səmədovdur.
Müsahibim söhbət zamanı bildirdi ki, 1990-cı ildə Xırdalanda plan-uçot texnikumunda oxuyur və orada yerləşən yataqxanada qalırmış. Dediyinə görə, həmin il yanvarın 17-dən rus hərbi birləşmələri Xırdalan dairəsində toplaşmışdı. 19 yanvar tarixində nahar vaxtı tələbələr sovet qoşunlarının Bakı şəhərinə daxil olacağı xəbərini alırlar. Ordunun paytaxta daxil olmasına etiraz əlaməti olaraq tələbələr də şəhər sakinləri ilə birlikdə Biləcəri dairəsinə toplaşırlar.
Müsahibim deyir: "Yanacaqdoldurma məntəqəsinin yanında sovet qoşunlarının BTR və BMP-lərdən ibarət hərbi texnikaları və çoxlu sayda əsgərləri dayanmışdılar. Onlar hərəkətlərindən insan qanına susamış vəhşiyə bənzəyirdilər. Bu qəddarların təzyiqləri altında "20 Yanvar” dairəsinə gəlib çıxdıq. Daha doğrusu, onlar bizi qabaqlarına qatıb qovurdular.
Bir qədər keçdikdən sonra şəhərin işıqları söndü və onlar dinc əhaliyə qarşı odlu silahlardan atəş açmağa başladılar. Əhalinin səsi bir-birinə qarışmışdı, ətrafda inildəyən yaralılara və şəhadətə qovuşan insanlara da rast gəlirdik”.
Əlizadə yaralananları görür, kömək etməyə çalışır. O, tələbə yoldaşları ilə birlikdə yaralılara yardım edərkən qəflətən bədəninin istilənməsini, vurulduğunu hiss edir. Çox qan itirdiyindən halsızlaşır.
Ə.Səmədov həmin anı belə xatırlayır: "4-5 cavan oğlan məni güllə yağışının altından çıxartdılar. Yaxınlıqda yerləşən binaların birinin mənzilinin qapısını döydülər. Ev yiyəsi qonşuluqda yaşayan tibb bacısını çağırdı və ilk tibbi yardım göstərdilər. Səhərə yaxın məni Semaşko adına xəstəxanaya apardılar. Ayağımdakı güllə çıxarıldı və iki aya qədər xəstəxanada müalicə olundum”.
Əlizadə o qanlı tarixdən 29 il keçməsinə baxmayaraq, hələ də həmin günü və iştirakçısı olduğu anları unuda bilmir.
Əli SƏLİMOV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
Azərbaycan Prezidentinin xüsusi tapşırıqlar üzrə nümayəndəsi BBC radiosuna müsahibə verib...
24 Aprel
Üzgüçülük üzrə açıq Azərbaycan çempionatı start götürüb
24 Aprel
XİN: Azərbaycan BMT-nin insan hüquqları sahəsində müvafiq müqavilə qurumları ilə əməkdaşlığa böyük ö...
24 Aprel
Qırğız Mədəniyyəti Günləri çərçivəsində Heydər Əliyev Mərkəzində sərgi açılıb
24 Aprel
Azərbaycan Kuboku: “Qarabağ” “Neftçi”ni cavab oyununda da məğlub edərək finala yüksəlib...
24 Aprel
Bakıda Qırğız Mədəniyyəti Günlərinin açılış mərasimi olub
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!