16 Yanvar 2019 18:22
1024
PARLAMENT
A- A+

İran Silahlı Qüvvələrinin Baş Qərargah rəisi Milli Məclisdə olub


Azərbaycan Respublikası Milli Məclisinin sədri Oqtay Əsədov yanvarın 16-da İran İslam Respublikasının Silahlı Qüvvələrinin Baş Qərargah rəisi Məhəmməd Baqerinin rəhbərlik etdiyi nümayəndə heyəti ilə görüşüb.

AZƏRTAC xəbər verir ki, Oqtay Əsədov Məhəmməd Baqerinin İran Silahlı Qüvvələrinin Baş Qərargah rəisi kimi ölkəmizə ilk səfərinin Azərbaycan-İran əlaqələrinin inkişafına töhfə verəcəyinə əminliyini ifadə edib. O bildirib ki, Azərbaycan ilə İran dost, yaxın qonşu, qardaş ölkələrdir, bizim ortaq tariximiz, mədəniyyətimiz, dinimiz münasibətlərimizin daha da dərinləşməsinə zəmin yaradır.

Milli Məclisin sədri qeyd edib ki, dövlət başçılarının qarşılıqlı rəsmi səfərləri, görüşləri ölkələrimiz arasındakı əlaqələrin yüksək səviyyəyə çatmasına xüsusi təkan verib. O, eyni zamanda, hökumət üzvlərinin, hüquq-mühafizə orqanlarının nümayəndələrinin səfərlərinin vacibliyini də vurğulayıb. Əlavə edib ki, bütün bunlar ölkələrimiz arasında əlaqələrin yüksək səviyyəsinin göstəricisidir.

Oqtay Əsədov 2018-ci ildə İran və Azərbaycan arasında ticarət dövriyyəsinin həcminin 400 milyon dolları ötdüyünü deyib. Bildirib ki, bu, ölkələrimizin potensialını əks etdirmir, biz bu rəqəmi daha da artırmalıyıq. Bu istiqamətdə işlərin getdiyini söyləyən sədr qeyd edib ki, son 5 il ərzində İran ilə Azərbaycan arasında 24 biznes forum keçirilib.

Parlamentlərarası əlaqələrin razılıq doğurduğunu deyən Milli Məclisin sədri dostluq qruplarının fəaliyyətini yüksək qiymətləndirib.

İran İslam Respublikasının Silahlı Qüvvələrinin Baş Qərargah rəisi Məhəmməd Baqeri bildirib ki, ölkələrimizin müştərək tarixə, dinə, coğrafiyaya malik olması İran-Azərbaycan əlaqələrinin genişlənməsinə təkan verir. O, dövlətlərimiz arasında münasibətlərin inkişaf etdiyini, ölkə rəsmilərinin qarşılıqlı səfərlərinin intensiv xarakter daşıdığını söyləyib. Məhəmməd Baqeri başqa istiqamətlərdə olduğu kimi, müdafiə sahəsində də əlaqələrimizin dərinləşməsinin önəmini vurğulayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video