12 Yanvar 2019 02:26
922
Səhiyyə
A- A+

Fəslin mərəzi


Qripdən qorunmağın sadə yolları


Qrip (influenza) virusu hava-damcı yolu ilə yoluxur. Öskürüb, asqıran xəstə ətrafa çox sayda virus damcısı yayır. Bu damcılar ağız, burun, ya da gözlərimizə təmas etdiyi zaman xəstəlik yoluxur.

Xəstə qripin yayılmaması üçün virusun ən çox yayıldığı dövrdə - xəstəliyin ilk günlərində, məktəbə, işə getməyib evdə dincəlməlidir. Evdəkiləri qorumaq üçün əllər tez-tez yuyulmalı, maska ilə ağız və burun tam qapanmalı, otaqlarda hava tez-tez dəyişilməlidir.


Əlamətləri


İnfeksion xəstəliklər və klinik mikrobiologiya uzmanı Vasif Əliyev deyir ki, qrip ani başlayan hərarət, öskürək, boğaz ağrısı, baş ağrısı, burun axıntısı, əzələ və oynaq ağrıları ilə müşayiət olunur. Şiddətli öskürək iki həftə və daha uzun müddət davam edə bilər. Hərarətin uzun müddət davam etməsi, tünd rəngli bəlğəm, sinə ağrısı və nəfəs almanın çətinləşməsi qripin fəsadlaşması nəticəsində ağciyərlərə bakteriyaların yoluxduğuna şübhə yaradır. Bu vəziyyətdə mütləq həkimə müraciət edilməlidir. Əsasən risk qrupunda olan, immun sistemi zəif insanlarda daha təhlükəli hal seyr edilir. Bundan başqa, burun sinuslarına və orta qulağa bakteriyaların yoluxması sinusit və otit kimi ağır vəziyyətlərə yol açır ki, bu da xəstəliyin arzu edilməyən ağırlaşmalarındandır.


Müalicəsi


Qripin müalicəsi istirahət və simptomatik müalicədir. Hərarəti salan dərmanlar, bol maye qəbulu tövsiyə olunur. Ancaq risk qrupundakı insanlar və risk qrupunda olmayıb xəstəliyi ağır keçirənlərin qrip virusuna təsir edən dərmanlardan istifadəsi lazımdır. Bu cür vəziyyətlərdə yataq istirahəti və simptomatik müalicə ilə kifayətlənməyib mütləq həkimə müraciət edilməlidir.


Yoluxmamaq üçün...


Qripə yoluxmamaq üçün gigiyena, sağlam qidalanma, mövsümə görə geyinmə kimi fərdi tədbirlərin görülməsi ilə yanaşı, xüsusilə də risk altında olan insanlar üçün ən təsirli qorunma yolu peyvənddir. Eyni zamanda, bu şəxslərə, qripin ən ciddi ağırlaşması sayılan və ən çox ölümə səbəb olan pnevmoniyadan da qorunmaq üçün həkim nəzarəti altında pnevmokok peyvəndi də vurulmalıdır.

Yasəmən MUSAYEVA,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video