11 Yanvar 2019 17:30
1234
Səhiyyə
A- A+

Dəvətikanının qurudulmuş kökünü çay kimi dəmləyib içmək faydalıdır



Dəvətikanı bir növ səhranın meşə zolağı sayılır. Açıq şəraitdə qum sürüşüb səhraya düşür, dəvətikanı isə dərin kökləri ilə qum axınlarının qarşısını alır. Hətta Abşeron şəraitində böyük həyətyanı sahəsi olanlar dəvətikanını kəsib qurudur, onları bir-birinə calayıb uzun məftiləbənzər bir dolaq yaradır, sonra isə quma batırırlar ki, qum axınlarının qarşısı alınsın.

AZƏRTAC xəbər verir ki, Abşeron yarımadasında dəvətikanından ən çox meyvə qurudulanda istifadə edirlər. Soyuducunun olmadığı vaxtlarda qışa ehtiyat yığmağa ehtiyac yaranırdı. Dəvətikanı yığılır və qurudularaq sıxılırdı. Yay vaxtı onun üstündə əsasən əncir qurudulurdu. İstər ənciri, istərsə də digər meyvələri qurudarkən onun hər tərəfdən yaxşı hava alması təmin edilməlidir. Təbii şəraitdə dəvətikanı həmin funksiyanı çox gözəl yerinə yetirir. Ən keyfiyyətli əncir qurusu sıxılmış dəvətikanının üstündə yetişdirilir.

Tibdə bitkinin yerüstü hissəsindən, bəzən də meyvə köklərindən istifadə edilir. Bitkinin tikanlı üst hissəsi, çiçəkləri və kökü müalicə vasitəsi kimi yararlıdır, lakin onun toxumları ilə əlaqədar heç bir təcrübə aparılmayıb. Çox güman ki, onu qurudarkən toxumlarından da istifadə edilir.

Dəvətikanının tikanlı yarpaqlı hissəsi adətən çay kimi dəmlənilir və spesifik, bir qədər də turş dada malikdir. Ödqovucu, tərqovucu və hərarətsalıcı xassəsi var. İshal, dizenteriya və babasildə tətbiq olunur. Quru yarpaqlarından dəmlənən çay mədə və onikibarmaq bağırsaq xorasında yaraları sağaltmağa kömək edir.

Böyrəkdə və öd kisəsində daş olanda, o cümlədən tərqovucu və sidikqovucu kimi dəvətikanının kökünü suda dəmləyib içmək olar. Bitkinin qurudulmuş kökü çay kimi dəmlənilib içiləndə hərarəti aşağı salır. Ondan hazırlanan dəmləmədən hemerroy, irinli yaralar, ekzema və s. zamanı xaricə vanna, yuyunma, islatma şəklində istifadə edilir. Bu zaman bitki iltihab əleyhinə və büzücü təsir göstərir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video