Alternative content

22:13 19 Iyun 2019
ONLINE XƏBƏR LENTİ
Bakıda futbol festivalı
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

rus escort

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV 18 ildə 138 milyard dollarlıq qazanc
18 ildə 138 milyard dollarlıq qazanc
ANA SƏHİFƏ / İQTİSADİYYAT
00:35 11.01.2019


"Əsrin müqaviləsi” və "Şahdəniz” Azərbaycana böyük dividendlər qazandırır


Dövlət Neft Fondu "Azəri-Çıraq-Günəşli” və "Şahdəniz” layihələri üzrə gəlirləri açıqlayıb. Fonddan verilən məlumata görə, 2001-ci ildən 2019-cu ilin 1 yanvar tarixinədək "Azəri-Çıraq-Günəşli” yatağı ("Əsrin müqaviləsi”) üzrə əldə olunan ümumi gəlirlər 138 milyard 206 milyon dollar olub.

Təkcə 2018-ci ildə Azərbaycan "Əsrin müqaviləsi”ndən 9 milyard 720 milyon dollar gəlir əldə edib.

2017-ci ilin sentyabrında imzalanmış "Yeni əsrin müqaviləsi”nə əsasən, "Azəri- Çıraq-Günəşli”nin işlənməsi müddəti əsrin ortasınadək artırılıb. 2050-ci ilədək adıçəkilən yataqlar blokuna 40 milyard dollardan artıq sərmayə qoyulması nəzərdə tutulur. Dövlət Neft Fonduna beynəlxalq tərəfdaşlar tərəfindən 3,6 milyard dollar bonus ödəniləcək. Ötən il yeni sazişə uyğun olaraq 450 milyon dollar həcmində ilk bonus ödənişi həyata keçirilib.

2018-ci ildə "Şahdəniz” yatağı üzrə kondensatın satışından 245 milyon dollar gəlir əldə edilib. Əlavə edək ki, Xəzər dənizinin Azərbaycan sektorunda yerləşən "Şahdəniz” bugünədək BP-nin dünyada kəşf etdiyi ən böyük qaz yatağıdır. Bu nəhəng yataq təxminən 860 kilometr ərazini əhatə edir. Bütün "Şahdəniz” yatağında hesablanmış ilkin geoloji qaz ehtiyatı təxminən 1 trilyon kubmetrdən artıq və kondensat ehtiyatı isə 2 milyard barel təşkil edir.

Bu günlərdə "Şahdəniz” yatağından ümumi qaz hasilatı 100 milyard kubmetrə çatıb. Bu tarixi göstərici yataqdan ilk kommersiya qaz həcmlərinin hasilatına başlandığı və Cənubi Qafqaz Boru Kəmərinin işə düşdüyü vaxtdan tam 12 il sonra əldə edilib.

Ötən il isə "Şahdəniz” layihəsi üçün növbəti əlamətdar hadisə ilə yadda qaldı. Planlaşdırıldığı kimi, iyunun 30-da "Şahdəniz 2” çərçivəsində Türkiyəyə kommersiya qaz həcmlərinin nəqlinə başlandı və iyulun sonunda "Şahdəniz Bravo” platformasından ilk qaz əldə edildi.

Rəşad BAXŞƏLİYEV,

"Azərbaycan”



NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU


VALYUTA


ARXİV


TƏQVİM