08 Yanvar 2019 23:47
602
CƏMİYYƏT
A- A+

Cəlilabadlı gənclər həqiqi hərbi xidmətə yola salınıblar



Yanvarın 8-də Cəlilabadda çağırışçı gənclərin təntənəli surətdə həqiqi hərbi xidmətə yola salınması mərasimi keçirilib.

Səfərbərlik və Hərbi Xidmətə Çağırış üzrə Dövlət Xidmətindən AZƏRTAC-a bildiriblər ki, çağırışçıları hərbi xidmətə qurumun Cəlilabad rayon şöbəsinin şəxsi heyəti, icra hakimiyyəti aparatının, hüquq-mühafizə orqanlarının, ictimaiyyətin nümayəndələri, ağsaqqallar, valideynlər və gənclər yola salıblar.

Tədbirdə Dövlət Xidmətinin Cəlilabad rayon şöbəsinin rəisi, polkovnik Asəf Əhmədov həqiqi hərbi xidmətə yola düşən çağırışçılara uğurlar diləyib. Bildirib ki, ordu quruculuğu sahəsində görülən işlər, ölkəmizin hərbi qüdrətinin yüksələn xətt üzrə inkişaf etməsi Silahlı Qüvvələrimizin işğal altındakı torpaqlarımızı istənilən anda azad etməyə qadir olduğunu göstərir.

Rayon icra hakimiyyəti başçısının birinci müavini Mansur Məmmədov və digər çıxış edənlər həqiqi hərbi xidmətin vacibliyindən, hər bir insan üçün Vətən borcunun şərəflə yerinə yetirilməsinin əhəmiyyətindən danışıblar.

Valideynlər övladlarının hərbi xidmətə yola düşməsindən böyük qürur hissi keçirdiklərini bildirib və çağırışçı gənclərə xoş arzularını çatdırıblar.

Tədbirdə əminlik ifadə olunub ki, bu gün hərbi xidmətə yola düşən gənclərimiz ləyaqətlə hərbi xidmət keçməklə, torpaqlarımızın keşiyində ayıq-sayıq dayanmaqla Azərbaycan əsgəri adını bir daha ucaldacaqlar.

Sonda çağırışçı gənclər üçrəngli bayrağımızı öpərək ordu sıralarına yola düşüblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video