Güclü iqtisadiyyat
İlham ƏLİYEV: "Azərbaycan iqtisadiyyatı müstəqil iqtisadiyyatdır və bizim müstəqil siyasətimizi gücləndirən amildir”
Artıq tarixə çevrilən 2018-ci il ölkəmiz və xalqımız üçün uğurlu oldu. İctimai-siyasi, sosial-iqtisadi həyatın bütün sahələrində irəliləyiş baş verdi. Azərbaycan dünyada sayılıb-seçilən ölkə olduğunu bir daha təsdiq etdi. Prezident İlham Əliyev Dünya Azərbaycanlılarının Həmrəylik Günü və Yeni il münasibətilə Azərbaycan xalqına təbrikində bunları vurğulamış və qeyd etmişdir ki, bütün bu işləri görmək üçün güclü iqtisadiyyat olmalıdır və bu iqtisadiyyat var.
Beynəlxalq qurumların hesabatlarında verilən qiymət də Azərbaycanın güclü iqtisadiyyatı olduğunu sübut edir. Belə ki, Dünya Bankının "Doing Business” proqramının son hesabatlarında Azərbaycan dünya miqyasında 25-ci yerə layiq görülüb. Başqa sözlə, Dünya Bankı ölkəmizdə aparılan iqtisadi islahatları, onların şəffaflığını və nəticələrini yüksək dəyərləndirir.
Keçən il ölkə iqtisadiyyatına 10 milyard dollar sərmayə qoyulub. Qeyri-neft sektoru, o cümlədən onun mühüm qolu olan aqrar sahə getdikcə inkişaf edir. İxracın strukturunda qeyri-neft məhsulları çoxalır. İl ərzində ixrac təxminən 40 faiz artıb.
Sosial proqramların və yeni sosial infrastruktur layihələrinin həyata keçirilməsi davam edir.
Bunların hamısı, qeyd edildiyi kimi, güclü iqtisadiyyata əsaslanır. Məsələn, keçən il məcburi köçkünlərin yaşayış şəraitinin yaxşılaşdırılması məqsədilə genişmiqyaslı işlər görülüb. 5800 köçkün ailəsi üçün evlər və mənzillər tikilib. Yüzlərlə ailə Yeni ili yeni gözəl şəraitdə qarşılayıb. 626 yeni mənzillə şəhid ailələrinin, Qarabağ müharibəsi əlillərinin məişət şəraiti yaxşılaşdırılıb. Prezident İlham Əliyev həmin istiqamətdə işlərin 2019-cu ildə də davam edəcəyini bildirib və bu da Azərbaycan dövlətinin siyasətinin mərkəzində vətəndaşın dayandığını təsdiqləyir.
Dövlət başçısı həmçinin qeyd etmişdir ki, bu gün Azərbaycan iqtisadi inkişaf baxımından heç kimdən asılı deyil. Azərbaycan iqtisadiyyatı müstəqil iqtisadiyyatdır və bizim müstəqil siyasətimizi gücləndirən amildir. Məhz bu amil ölkəmizə təkcə Azərbaycan üçün deyil, bir çox digər ölkələr üçün də mühüm əhəmiyyət daşıyan layihələri gerçəkləşdirməyə imkan verir. Belə önəmli layihələrdən biri "Cənub qaz dəhlizi”dir. 2018-ci il tarixə bu dəhlizin rəsmi açılışı ili kimi də düşdü. Belə ki, may ayının 29-da Səngəçal terminalında "Cənub qaz dəhlizi”nin rəsmi açılış mərasimi keçirildi. Bu, Avropanın enerji xəritəsini dəyişən layihədir ki, Azərbaycan qazını 3500 kilometr məsafə boyu neçə-neçə ölkəyə çatdıracaq. "Şahdəniz” yatağının işlənməsinin ikinci mərhələsi çərçivəsində qaz hasilatına başlanması, eləcə də mavi yanacağı Azərbaycanın və Gürcüstanın ərazisindən keçirərək Türkiyə sərhədinə çatdıran Cənubi Qafqaz Boru Kəmərinin genişləndirilməsinin yekunlaşması bu dəhlizin açılışına imkan verdi.
Sonrakı ayda isə TANAP (Transanadolu Qaz Boru Kəməri) istifadəyə verildi. TANAP-ın işə düşməsi bir daha təsdiqlədi ki, "Cənub qaz dəhlizi” artıq reallığa çevrilir. Çünki TANAP bu dəhlizin 1900 kilometrlik ən böyük hissəsidir. Türkiyənin ərazisi boyu 20-dən çox bölgədən keçən bu kəməri "Cənub qaz dəhlizi”nin onurğa sütunu adlandırırlar.
"Cənub qaz dəhlizi”nin gerçəkləşməsi istiqamətində aparılan uğurlu işlər "Şahdəniz” qazının TANAP-a ötürülməsinə şərait yaratdı. Bu da nəinki layihənin, ümumiyyətlə, regionun tarixində önəm daşıyan hadisə kimi dəyərləndirilir. 2018-ci ildə TAP-ın (Transadriatik Qaz Boru Kəməri) tikintisi də rəvan gedib. Azərbaycan qazını Avropaya çatdıracaq bu kəmər yanacağı TANAP-dan qəbul edəcək. TANAP həm də bu baxımdan əhəmiyyətlidir. Prezident İlham Əliyev təbrikində bu layihələrin tarixi nailiyyət olduğunu qeyd etmişdir.
Azərbaycanın region, hətta bir çox digər ölkələr üçün əhəmiyyətli olan layihələri sırasında Ələt Ticarət Limanı da var. Bu da Azərbaycanın 2018-ci ildə nail olduğu böyük uğurlardandır. Çünki sözügedən limanın vasitəsilə Azərbaycan nəinki regionun, Avrasiyanın önəmli nəqliyyat mərkəzinə çevrilir. Şimal-Cənub, Şərq-Qərb dəhlizləri ölkəmizin ərazisindən keçir. Ələt Ticarət Limanının ərazisində avtomobil, dəmir və su yolları bir-birinə qovuşur ki, bu da güclü nəqliyyat infrastrukturu yaradır. Başqa sözlə, Azərbaycanın tranzit imkanları getdikcə genişlənir.
Ümumiyyətlə, 2018-ci ildən xalqımızın tarixində və yaddaşında qalan xoş hadisələr çoxdur. Keçən il orbitə Azərbaycanın üçüncü peyki buraxılmışdır. Deməli, Azərbaycan dünyanın məhdud sayda olan kosmik klubunun üzvlərindən biridir və bu sahədə öz mövqelərini getdikcə möhkəmləndirir.
2018-ci ildə uzun müddətdir müzakirə olunan bir məsələ də müvəffəqiyyətlə həll olundu. Xəzər dənizinin hüquqi statusunun müəyyənləşdirilməsi öz həllini tapdı və bu işdə Azərbaycan mühüm rol oynadı.
Yeni ilə xalqımız bir-birinin ardınca qazandığı belə böyük uğurların müjdəsi ilə qədəm qoydu. Bu uğurlar həm gələcək işlər üçün möhkəm bünövrə, həm onları həyata keçirmək üçün xoş əhval-ruhiyyə, həm də sabaha böyük inamdır.
Flora SADIQLI,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Olimpiya Təsnifat turnirinə 33 ölkə güləşçiləri qatılacaq
29 Mart
Azərbaycan Premyer Liqası: "Qəbələ"-"Neftçi"- 0:1
29 Mart
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb...
29 Mart
Prezidentin Mətbuat Xidmətinin məlumatı
29 Mart
İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul ed...
29 Mart
Azərbaycan-Çin əlaqələri - tarixi İpək yolundan başlanan dostluq
29 Mart
BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub...
29 Mart
Rusiya XİN: Ermənistan quru yerdə qala bilər
29 Mart
Ceyhun Bayramov: Sülh prosesinin irəlilədilməsi istiqamətində yeni çağırışlar yaradan bir sıra addım...
29 Mart
Ermənistan Teleradio Şəbəkəsinin direktoru istefa verib
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!