06 Yanvar 2019 00:58
3492
Oxucu məktubları
A- A+

Dövlət dəstəyi qol-qanad verir


Prezident İlham Əliyevin rayonumuza hər səfəri sakinlərə böyük sevinc bəxş edir. Dövlət başçısı belə səfərlər zamanı yeni obyektlərin açılışında iştirak edir, əhalinin həyat səviyyəsini yüksəltmək, gün-güzəranını daha da yaxşılaşdırmaq, sosial-iqtisadi inkişafını sürətləndirmək üçün sərəncamlar imzalayır.

Belə böyük qayğı və diqqətin nəticəsidir ki, əvvəlki illərdə rayonda xəstəxana, doğum evi, uşaq xəstəxanası, olimpiya idman kompleksi tikilib, 18 köçkün qəsəbəsi salınıb. Rayonumuzda elektrik enerjisi ilə bağlı heç bir problem yoxdur. Qazlaşdırmanın səviyyəsi 88 faizdir. İçməli su və suvarma suyu ilə bağlı problemləri həll etmək üçün çox iş görülüb.

Bu il noyabrın 5-dəki səfər də minnətdarlıqla xatırlanır. Həmin gün ölkə rəhbəri, birinci xanım Mehriban Əliyeva Heydər Əliyev Fondunun təşəbbüsü ilə inşa olunan Ağdam Muğam Mərkəzi və Kənd Təsərrüfatı Nazirliyinin Heyvandarlıq Elmi-Tədqiqat İnstitutunun tabeliyindəki "Qarabağ Atçılıq Təsərrüfatı” Məhdud Məsuliyyətli Cəmiyyətinin, Qarabağ Atçılıq Kompleksinin açılışında iştirak etdilər.

Dövlət başçısı rayonumuzda əkin sahələrinin suvarma üsulu ilə təminatının yaxşılaşdırılması, əlavə tədbirlər haqqında və rayonun erməni silahlı birləşmələri ilə təmas xəttində yerləşən yaşayış məntəqələrində əhalinin mənzil-məişət şəraitinin yaxşılaşdırılmasına dair əlavə tədbirlər haqqında sərəncamlar da imzaladı. Birinci sərəncama əsasən rayonumuzda 35 subartezian quyusu qazılacaq. Onlardan biri bizim İmamqulubəyli kəndinin payına düşüb. Bununla xeyli ərazinin su təminatı daha yaxşı ödəniləcək.

Göstərilən qayğı camaatımıza qol-qanad verir, hər qarış torpaqdan səmərəli istifadə edib məhsul bolluğu yaratmağa ruhlandırır.

Şükür MİRZƏYEV,

Ağdam rayonu

İmamqulubəyli kənd sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video