06 Yanvar 2019 00:57
67499
Oxucu məktubları
A- A+

85 yaşlı fədai


Monidigah kəndi üç məhəllədən ibarətdir: Pendi, Sindi və Monidiqo. Hər məhəllənin də tanınmış sənətkarları var: dəmirçi, xarrat, dülgər, bənna, xalça, kilim və cecim ustaları.

Burada diyarın folklorunu, adət-ənənələrini yaşadan ağsaqqallar və ağbirçəklər az deyil. Belə ağsaqqallardan biri talış rəqslərinin mahir bilicisi Abidin Əliyevdir.

O, dəmirçi ailəsində boya-başa çatıb. Gənclik illərindən incəsənətin vurğunu olub. Rəqqas peşəsini seçib. 1958-ci ildə gənclərin və tələbələrin birinci festivalında "Lakto” talış rəqsinin ifasına görə ikinci dərəcəli diploma layiq görülüb. Orta məktəbi bitirdikdən sonra Bakı Kitabxanaçılıq Texnikumunun mədəni-maarif şöbəsində təhsil alıb. Əmək fəaliyyətinə kənddəki mədəniyyət evində bədii rəhbər kimi başlayıb. Sonralar direktor təyin edilib. Mədəniyyət ocağına rəhbərlik etdiyi illərdə kəndbəkənd gəzib, mahnılar toplayıb, rəqslər öyrənib. Ötən əsrin 70-ci illərində "Lakto” adlı folklor rəqs qrupu yaradıb. İllər ötüb, rəqs qrupu zona baxış müsabiqələrində dəfələrlə birinci yeri tutub, respublika turundan diplomlarla qayıdıb. Ölkəmizin paytaxtında, şəhər və rayonlarda keçirilən tədbirlərdə maraqlı çıxışlarla tamaşaçıların rəğbətini qazanıb.

İncəsənət fədaisi Abidin Əliyevin əməyi dövlət tərəfindən də yüksək qiymətləndirilib. Azərbaycan Respublikasının əməkdar mədəniyyət işçisi fəxri adına layiq görülüb. Bir neçə il bundan əvvəl təqaüdə çıxsa da, rayon Mədəniyyət Mərkəzi ilə əlaqəsini kəsməyib. Onun təşəbbüsü ilə bu mərkəzdə "Rəfti” folklor rəqs qrupu yaradılıb. Qrupa Lerikin kəndlərindən 8 nəfər ağsaqqal cəlb edilib. 85 yaşlı Abidin Əliyevin iştirak etdiyi rəqs qrupu Bakıda keçirilən bayram tədbirlərində, Türkiyə Cümhuriyyətinin Hatay vilayətində, Dağıstanda, Orta Asiya respublikalarında maraqlı proqramla çıxış etmişdir. "Lakto”, "Səbəti”, "Neynim-neynim”, "Papaqtutdu” rəqsləri tamaşaçılar tərəfindən rəğbətlə qarşılanmışdır.

Ruslan İSMAYILOĞLU,

Lerik rayon sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video