İLİN DÜŞƏRLİYİ
Və ya hər ili düşərli etmək məharəti
2018-ci il ölkəmiz üçün çox uğurlu il olmuşdur.
Bütün sahələrdə ölkəmiz böyük uğurlar əldə etmişdir.
Dünyada 2018-ci ildə bir çox təhlükəli proseslər
getmişdir və demək olar ki, beynəlxalq vəziyyət daha da gərginləşmişdir. Qanlı toqquşmalar,
müharibələr, etiraz aksiyaları və digər hadisələr 2018-ci ilin mənzərəsini əks etdirir.
Azərbaycanda isə sabitlik, təhlükəsizlik təmin edilmişdir. Azərbaycan öz yolu ilə
uğurla gedir və qarşıda duran bütün vəzifələri icra edir.
İlham ƏLİYEV
2018-ci il tarixə qovuşdu - XXI əsrin tarixinə!
Daha
bir il böyüdük, bir il cavanlaşdıq, bir il qocaldıq...
İllər bir-birinə bənzəyir - eyni fəsillər, isti və soyuq günlər, eyni bayramlar, oxşar tədbirlər...
İllər
bir-birindən fərqlənir - həyatımızda
müxtəlif yeniliklər baş verir, gözlənilməz
dəyişikliklər olur, itiririk, qazanırıq...
Şəxsi həyatda itirdiklərimiz olsa da, bütövlükdə
dövlət miqyasında qazancımız üstünlük təşkil edir!
Çünki müstəqil Azərbaycan dövləti durmadan inkişaf edir!
Çünki yeni-yeni layihələri reallaşdırır,
başladığımız əzəmətli işləri başa çatdırırıq!
Çünki elə bir siyasi kurs, elə bir istiqamət tutmuşuq ki, daim yüksələ, zənginləşə, dövlətimizi gücləndirə, xalqın rifahını ardıcıl surətdə yaxşılaşdıra bilirik!
Kapitanı mahir, uzaqgörən və müdrik olan gəmi daim sürətlə mənzilbaşına doğru irəliləyər, sualtı qaya, fırtına və qasırğa kimi təhlükəli sınaqlardan uğurla çıxar!
Adətən ilə yekun vuranda müxtəlif rəqəmlər gətirir, müqayisələr aparır, nəticələri göstərməklə uğurları sadalayırlar.
Amma xalqın deyimində çox yığcam, həm də əhatəli yekun-qiymət də var: DÜŞƏRLİ İL!
Ötən il də düşərli oldu!
Xoşbəxtlikdən son illərimizin hamısı düşərlidir!
2018-ci il uğurla başladı, bir sıra tarixi hadisələrlə yadda qaldı!
ƏVVƏLA, Azərbaycan xalqı növbəti dəfə öz seçimini etdi, 11 aprel 2018-ci ildə daha yeddi il müddətinə, həm də 86% səslə cənab İlham Əliyevi yenidən ölkə Prezidenti seçdi!
Əslində, bu etimadı ilə növbəti illərdə də dövlətin inkişafına, iqtisadiyyatın güclənməsinə, xalqın rifahının yüksəlməsinə, müstəqil Azərbaycanın dünyada nüfuzunun artaraq mövqelərinin möhkəmlənməsinə inam və etibarını yenidən təsdiq etmiş oldu!
İKİNCİSİ, 28 may 2018-ci ildə müstəqil Azərbaycan 100 illik yubileyini təntənəli şəkildə keçirdi, dövlət başçısı İlham Əliyev 2018-ci ilin "Azərbaycan Xalq Cümhuriyyəti ili” elan edildiyi barədə xüsusi sərəncam verdi!
DAHA SONRA:
* 15 sentyabr 2018-ci ildə "Azərbaycan” qəzeti 100 yaşını qeyd etdi!
* Daxili işlər orqanları, Azərbaycan Ordusu, ədliyyə sistemi də yubileylərini keçirdilər.
* 14 may 2018-ci ildə Ələt Beynəlxalq Dəniz Ticarəti Limanı işə salındı.
* 29 may 2018-ci ildə "Cənub qaz dəhlizi”nin təntənəli açılış mərasimi oldu.
* 12 iyun 2018-ci ildə TANAP istifadəyə verildi.
* 26 sentyabr 2018-ci ildə Azərbaycanın sayca üçüncü peyki "Azerspace - 2” orbitə buraxıldı.
* 19 oktyabr 2018-ci ildə "Star” neft emalı zavodunun açılışı oldu.
* İki dəfə - 26 iyun və 15 sentyabrda Bakının Azadlıq meydanında Azərbaycan-Türkiyə silahlı qüvvələrinin möhtəşəm hərbi paradı keçirildi!
Təkcə bir il ərzində baş tutan yubiley tədbirlərinin də, habelə həyat vəsiqəsi verilən nəhəng layihələrin də təşkilatçısı, ideya və baş müəllifi, maliyyəçisi və icraçısı cənab İlham Əliyevdir!
Müstəqil Azərbaycanı dünyaya yeni imicdə təqdim edən və sevdirən, dünya dövlətlərinin maraqlarını milli maraqlarımızla uzlaşdıran, əməkdaşlığın yeni formatlarının yaradıcısı olan Prezident İlham Əliyev!
***
Dünya Azərbaycan Prezidentini tanıyır, hörmət və ehtiramla yanaşır, gördüyü işləri yüksək dəyərləndirir.
Elə bu il ərzində Prezidentimizin fəaliyyətinə dünya məşhurlarının bir neçəsinin verdikləri qiyməti, söylədikləri fikirləri qısa şəkildə xatırladaq:
* Belarus Prezidenti Aleksandr Lukaşenko: "İlham Əliyev daim etibar edilməli olan əsl dostdur”.
* Serbiya Prezidenti Aleksandr Vuçiç: "İlham Əliyevin liderliyi ilə Azərbaycan böyük uğurlara imza atıb”.
* Ravvin Abraham Kuper (ABŞ): "İlham Əliyevin rəhbərliyi ilə Azərbaycanda bütün dini icmaların dinc və sərbəst fəaliyyəti üçün şərait yaradılıb”.
* Rusiya Jurnalistlər İttifaqının sədri Vladimir Solovyov: "Hiss edirəm ki, Prezident gün ərzində mətbuatı şəxsən izləyir. İş burasındadır ki, Prezident İlham Əliyev Qərb mediasını ingilis, bizimkini rus, Türkiyə mətbuatını isə türk dilində izləyir”.
* Rusiya Federasiyası Çeçenistan Respublikasının başçısı Ramzan Kadırov: "Siz təkcə Azərbaycanda deyil, bütövlükdə müsəlmanlar üçün xeyirxah işlər görürsünüz. Biz Sizin qardaşlıq münasibətləri qurduğunuzu, konfranslar keçirdiyinizi, təkcə dini liderləri deyil, bizim regionların rəhbərliyini də qəbul etdiyinizi və yalnız müsəlmanlar deyil, bütün konfessiyaları birləşdirdiyinizi görürük. Bu, çox qiymətlidir”.
***
Bəxtiyar SADIQOV
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ukrayna təcili yardım istəyir - Açıqlama
19 Mart
"Danışıqlar dalana dirənib" - Hakan Fidandan AÇIQLAMA
19 Mart
Demokrat Partiyası İsrailə nifrət edir - Tramp
19 Mart
Türkiyə insansız sualtı qayıqlar hazırlayacaq
19 Mart
Qlobal qeyri-sabitlik fonunda ölkəmizdəki təhlükəsiz mühit Azərbaycanı beynəlxalq tədbirlər üçün ide...
19 Mart
Azərbaycan ilə Çin arasındakı qarşılıqlı faydalı əməkdaşlıq mühüm perspektivlərə malikdir...
19 Mart
Laçında “Can Laçın” Novruz yarmarkası keçirilir
19 Mart
Allahşükür Paşazadə Novruz bayramı münasibətilə Azərbaycan xalqını təbrik edib
19 Mart
Milli Məclisin yaz sessiyasında növbəti iclasının vaxtı və gündəliyi açıqlanıb
19 Mart
Ermənistan “Mir” ödəniş kartına xidməti dayandıracaq
19 Mart
DİQQƏT ÇƏKƏNLƏR
Dostluqdan müttəfiqliyə14 Mart 2024
Azərbaycan islamofobiya ilə mübarizədə öndə gedir12 Mart 2024
Prezident İlham Əliyev və Prezident Kasım-Jomart Tokayev mətbuata bəyanatlarla çıxış ediblər YENİLƏN...11 Mart 2024
Mərhəmətin zərif rəmzi08 Mart 2024
Yüksək beynəlxalq etimadın növbəti nümunəsi07 Mart 2024
ÇOX OXUNANLAR
Hücum diplomatiyasından hücum taktikasına14 Mart 2024
Azərbaycan və Qazaxıstan enerji sahəsində də birgə addımlayır13 Mart 2024
Kasım-Jomart Tokayev: Qazaxıstan və Azərbaycan əməkdaşlığın yeni dövrünə qədəm qoyur10 Mart 2024
Azərbaycan beynəlxalq "yaşıl enerji" mərkəzinə çevrilir10 Mart 2024
Xoşbəxt qadın güclü cəmiyyətin təməlidir08 Mart 2024
Albaniya Azərbaycanın dəstəyini yüksək dəyərləndirir06 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!