24 Dekabr 2018 16:58
610
DÜNYA
A- A+

İndoneziyada sunami qurbanlarının sayı 334 nəfərə çatıb


İndoneziyanın Zond boğazı sahillərində baş verən sunami nəticəsində həlak olanların sayı 334 nəfərə çatıb, 61 nəfər isə itkin düşmüş sayılır.

AZƏRTAC Antara informasiya agentliyinə istinadla xəbər verir ki, bu barədə İndoneziyanın Fövqəladə Vəziyyətlərlə Mübarizə Agentliyinin məlumatında bildirilir.

Bir qədər əvvəl indoneziyalı seysmoloqlar sunaminin təkrarlana biləcəyi barədə xəbərdarlıq ediblər. Təbii fəlakət zonasında vulkan aktivliyinin davam etdiyini və yeni sualtı sürüşmələrin mümkünlüyünü bildirən alimlərin fikrincə, sunamiyə məhz bu proseslər səbəb olub.

Dekabrın 22-də axşam saatlarında İndoneziya sahilləri hündürlüyü dörd metrə çatan dalğaların təsirinə məruz qalıb. Hazırda təbii fəlakət zonasında axtarış-xilasetmə və təxliyə əməliyyatları davam edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video