21 Dekabr 2018 01:30
813
Təhsil
A- A+

Bakıda keçirilən forumda təhsilingələcəyi ilə bağlı müzakirələr aparılıb


Bakıda keçirilən "Azərbaycanda İnsan Kapitalı üzrə Forum” işini dekabrın 20-də davam etdirib.

AZƏRTAC xəbər verir ki, Dünya Bankı ilə Azərbaycan hökumətinin müvafiq qurumlarının birgə təşkil etdiyi tədbirdə təhsilin gələcəyi ilə bağlı təqdimatlar dinlənilib, müzakirələr aparılıb.

Forumda çıxış edən Dünya Bankının Azərbaycandakı ölkə ofisinin rəhbəri Navid Həsən Naqvi müasir dünyada təhsilin mühüm rolundan danışıb, bu sahənin inkişafı ilə bağlı fikirlərini bildirib.

Təhsil naziri Ceyhun Bayramov Azərbaycan Prezidenti İlham Əliyevin təhsilə daim xüsusi önəm verdiyini vurğulayıb. Son illərdə təhsil sahəsində mühüm islahatların və layihələrin həyata keçirildiyini qeyd edən nazir qazanılan uğurlar barədə məlumat verib.

Prezident İlham Əliyevin sərəncamı ilə təsdiq edilmiş "2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı”nın əhəmiyyətindən bəhs edən C.Bayramov bu proqramın təhsilin inkişafında müstəsna rol oynayacağını diqqətə çatdırıb.

Təhsil naziri Azərbaycanın xarici ölkələrin ali məktəbləri ilə birgə ikili diplom proqramları həyata keçirəcəyini söyləyib. Nazir bildirib ki, peşə təhsili inkişaf etmiş iqtisadiyyatın formalaşmasında mühüm rol oynayır. Son bir neçə ildə ölkəmizdə peşə təhsili alanların sayı xeyli artıb.

C.Bayramov ömür boyu təhsilin vacibliyini də vurğulayıb.

Sonra Dünya Bankının nümayəndəsi Harri Patrinosun təhsillə bağlı təqdimatı dinlənilib.

Forumda Dövlət İmtahan Mərkəzinin Direktorlar Şurasının sədri Məleykə Abbaszadə rəhbərlik etdiyi qurumun fəaliyyəti barədə məlumat verib. İnsan kapitalının yüksəldilməsi ilə bağlı fikirlərini bölüşən M.Abbaszadə təhsilin daha çox karyerayönümlü olmasının əhəmiyyətini diqqətə çatdırıb.

Dövlət İmtahan Mərkəzinin Direktorlar Şurasının sədri ölkəmizdə təhsil sahəsində səmərəli tədbirlərin həyata keçirildiyini söyləyib.

Azərbaycan Dövlət İqtisad Universitetinin (UNEC) rektoru, professor Ədalət Muradov dünyada, o cümlədən respublikamızda ali təhsilin cəmiyyətin inkişafına uyğunlaşdırılması üçün ciddi addımlar atıldığını bildirib.

Sonra mövzu ilə bağlı geniş müzakirələr aparılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video