20 Dekabr 2018 22:07
1057
İDMAN
A- A+

Tanınmış idman jurnalisti Eldar İsmayılovun anadan olmasının 70 illik yubileyi qeyd edilib


Azərbaycan İdman Jurnalistləri Assosiasiyasının (AİJA) prezidenti, Əməkdar jurnalist Eldar İsmayılovun anadan olmasının 70 illik yubileyi münasibətilə dekabrın 20-də Beynəlxalq Mətbuat Mərkəzində tədbir keçirilib.

AZƏRTAC xəbər verir ki, tədbirdə əvvəlcə yubilyarın həyat və yaradıcılığına dair videoçarx nümayiş etdirilib.

Azərbaycan Mətbuat Şurasının (AMŞ) Ahıl Jurnalistlər Məclisinin sədri Məzahir Süleymanzadə E.İsmayılovun ömrünün 52 ilini jurnalist peşəsinə həsr etdiyini vurğulayıb. E.İsmayılovun istedadlı jurnalistlərdən olduğunu, Azərbaycan mətbuatında fəallığı ilə seçildiyini deyən M.Süleymanzadə onun xidmətlərindən danışıb.

AMŞ-nin sədri Əflatun Amaşov ölkə mətbuatının tanınmış simalarından olan E.İsmayılovun istedadlı qələm sahibi kimi, yaradıcılıq enerjisi, zəhmətsevərliyi sayəsində cəmiyyətdə böyük hörmət qazandığını vurğulayıb. Bildirilib ki, onun rəhbərlik etdiyi AİJA ölkəmizdə nüfuzlu media qurumlarındandır. E.İsmayılov dünyanın və Avropanın idman jurnalistləri təşkilatlarının rəhbər qurumlarındakı səmərəli fəaliyyəti ilə ölkəmizin idman uğurlarının təbliğində yüksək fəallıq göstərir.

Milli Məclisin deputatları - Azərbaycan Kikboksinq Federasiyasının prezidenti Adil Əliyev, "Azərbaycan” qəzetinin baş redaktoru Bəxtiyar Sadıqov, eləcə də Azərbaycan Milli Olimpiya Komitəsinin vitse-prezidenti Xəzər İsayev, "Olimpiya dünyası” qəzetinin baş redaktoru Murad Fərzəliyev, "Xalq qəzeti”nin əməkdaşı Tahir Aydınoğlu, şair-publisist Ramiz Məmmədzadə, yazıçı-dramaturq Aqşin Babayev, Ağdam rayonunda olan ağsaqqal Səlim Əzimov və başqaları çıxışlarında Eldar İsmayılovun Azərbaycan mətbuatında təqdirəlayiq fəaliyyətindən bəhs edib, onunla bağlı xatirələrini bölüşüblər.

Bildirilib ki, E.İsmayılov 1948-ci ildə Ağdam rayonunda ziyalı ailəsində dünyaya göz açıb. Orta məktəb illərində istedadı və bacarığı ilə diqqəti cəlb edən E.İsmayılov rəsm və fotolar çəkməkdə, divar qəzeti buraxılışı işində yüksək qabiliyyəti ilə seçilib. O, rayon qəzetinə məqalələr yazıb, idman, musiqi və poeziya ilə məşğul olub, texniki yaradıcılığa və bədii tərtibat məsələlərinə həvəs göstərib. Ağdam rayonunun istedadlı yeniyetmələrindən biri kimi tanınan E.İsmayılov qısa zamanda rayonun ictimai-mədəni həyatında fəal iştirak edən ziyalılardan birinə çevrilib. Bir müddət teleradionun Qarabağ bölgəsi üzrə müxbiri kimi fəaliyyət göstərən E.İsmayılov müharibə dövründə dəfələrlə qaynar nöqtələrdə olub, öz vəzifəsini uğurla yerinə yetirib. 1993-cü ildən məcburi köçkün həyatı yaşayan jurnalist qələmini yerə qoymayaraq, erməni təcavüzünün ağır nəticələrini göstərmək üçün mübarizəsini davam etdirir. Onun təşəbbüsü ilə 1995-ci ildə Azərbaycan İdman Jurnalistləri Assosiasiyası yaradılıb, ölkəmizdə bir sıra beynəlxalq tədbir təşkil olunub.

Tədbirin sonunda yubilyar çıxış edərək yüksək diqqətə və xoş sözlərə görə minnətdarlığını bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video