20 Dekabr 2018 17:52
735
Elm və texnika
A- A+

Turizm Assosiasiyasının nümayəndələri Bakı Ali Neft Məktəbində



Bakı Ali Neft Məktəbinin (BANM) rektoru Elmar Qasımov Azərbaycan Respublikası Turizm Assosiasiyasının (AzTA) sədri Nahid Bağırov və assosiasiyanın Hindistan üzrə rəsmi nümayəndəliyinin rəhbəri Razeen Hasan ilə görüşüb.

BANM-dən AZƏRTAC-a bildiriblər ki, E.Qasımov qonaqlara ali məktəbin fəaliyyət istiqamətləri, beynəlxalq əlaqələri barədə məlumat verib. Qeyd edilib ki, hazırda BANM-də xarici ölkə tələbələrinin təhsil alması üçün bütün şərait yaradılıb. Ali məktəbin müasir tədris otaqları və laboratoriyaları, yataqxanası, idman kompleksi tam dünya standartlarına cavab verir. BANM-in öz tələbələrini hər tədris ilinin sonunda yerli və transmilli şirkətlərdə təcrübə proqramlarına cəlb etməsi onu ölkədə digər universitetlərdən fərqləndirən xüsusiyyətlərdən biridir.

AzTA-nın sədri Nahid Bağırov assosiasiyanın Hindistan Respublikası ilə əlaqələrinin genişləndiyini və hindistanlıların Azərbaycana böyük maraq göstərdiklərini bildirib. O qeyd edib ki, BANM-də təhsilin ingilis dilində və Avropa standartlarına uyğun aparılması Hindistandan olan gənclərin BANM-da tədris ala bilməsi üçün ən vacib amillərdəndir.

Razeen Hasan iki ölkə arasında turizm və təhsil əlaqələrinin qurulmasına daim dəstək göstərdiyini bildirib. Qeyd olunub ki, hindistanlı tələbələrin BANM-də təhsil alması ali məktəbin Hindistanda keçirilən təhsil sərgilərində iştirakının təmin edilməsi üçün öz töhfəsini verə bilər.

Görüşdə tələbə mübadilə proqramları, müxtəlif təhsil sərgilərində iştirakla və ali məktəbin MBA təhsilinin Hindistanda təbliği ilə bağlı müzakirələr aparılıb. Bu istiqamətdə görüləcək işlərin rəsmiləşdirilməsi üçün BANM ilə AzTA-nın Hindistan üzrə rəsmi nümayəndəliyi arasında memorandum imzalanması qərara alınıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video