18 Dekabr 2018 21:55
190
SİYASƏT
A- A+

Xorvatiya parlamentinin sədr müavini Azərbaycan həqiqətləri barədə məlumatlandırılıb


Azərbaycanın Xorvatiyadakı səfiri Fəxrəddin Qurbanov bu ölkənin parlamentinin sədr müavini, Konstitusiya, Reqlament və Siyasi Sistem məsələləri Komitəsinin sədri Jeliko Reiner ilə görüşüb.

AZƏRTAC xəbər verir ki, görüş zamanı Xorvatiya-Azərbaycan münasibətləri, bu il sentyabrın əvvəlində Prezident İlham Əliyevin Xorvatiyaya rəsmi səfəri, hökumətlər arasında iqtisadi əməkdaşlıq üzrə Birgə Komissiyanın fəaliyyəti, Azərbaycanın təşəbbüskar və iştirakçı olduğu beynəlxalq nəqliyyat dəhlizləri, enerji layihələri, Yeni Bakı Beynəlxalq Dəniz Ticarət Limanı ilə bağlı görülən işlər haqqında məlumat verilib.

Parlamentin sədr müavini Ermənistan-Azərbaycan Dağlıq Qarabağ münaqişəsi barədə ətraflı məlumatlandırılıb, zəbt olunmuş ərazilərdə Ermənistanın insan alveri, silah və narkotik vasitələrin qaçaqmalçılığı, qeyri-qanuni iqtisadi fəaliyyətlə məşğul olunduğu bildirilib. Həmçinin qarşı tərəfə 2018-ci ilin 9 ayı ərzində atəşkəsin pozulmasını əks etdirən qrafik təqdim edilib.

Söhbət zamanı Xorvatiyanın Azərbaycanın ərazi bütövlüyünə hörmətlə yanaşdığı bildirilib və münaqişənin tezliklə sülh yolu ilə həll olunacağına ümid ifadə edilib. Beynəlxalq nəqliyyat dəhlizləri və enerji layihələrində Xorvatiyanın maraqlı olduğu bildirilib və bu layihələr çərçivəsində iki ölkə arasında əməkdaşlıq üçün yeni imkanların yarandığı qeyd olunub.

Görüşdə iki ölkə arasında münasibətlərin yüksək səviyyəsi qeyd edilib, əməkdaşlığın genişləndirilməsi perspektivləri ilə bağlı fikir mübadiləsi aparılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video